ଜୟ ଜଗନ୍ନାଥ

କବି ସୌରଭ

ବୈଜୟନ୍ତୀ ମାଳା ମହାପାତ୍ର

 

ହରେ କୃଷ୍ଣ ହରେ ରାମ

ଏ ନାମ ଧରିଲେ ସୁନ୍ଦର ମନ ହେ ମଣିମା

ତୁମ ନାମଟି ଅମୃତ ସମ ହେ ମଣିମା ll

 

ଯିଏ ଧରେ ଏହି ନାମ

ଭକତି ତାହାର ବଢେ ଅସୀମ ହେ ମଣିମା

ତୁମ ନାମ ଟି ମହାମହିମ ହେ ମଣିମା ll

 

କଳୁଷ ଭାବନା ଯେତେ

ଦୂର ହୁଏ ନାମ ଧରିବ ସେତେ ହେ ମଣିମା

ତୁମ ନାମ ଶିଖାଇବ ମୋତେ ହେ ମଣିମା ll

 

ଭବ ସିନ୍ଧୁ ପାରି ପାଇଁ

ଏକା ତୁମ ନାମ ସାହା ହୁଅଇ ହେ ମଣିମା

ତୁମ ନାମର ତ ସୀମା ନାହିଁ ହେ ମଣିମା ll

 

ଏହି ଗୁହାରି ଠାକୁର

ଏ ନାମ ରଖିବ ସବୁ ଅନ୍ତର ହେ ମଣିମା

ଧରା ହୋଇବ ନିଶ୍ଚେ ସୁନ୍ଦର ହେ ମଣିମା ll

ଫୁଲବାଣୀ, କନ୍ଧମାଳ