ପହିଲି ରଜ
ଆସିଛି ବଉଳ ପହିଲି ରଜ
ଆସ ସାଙ୍ଗ ସାଥି ହୋଇବା ସଜ।।
ପାଦରେ ଅଳତା ପାଉଁଜି ନାଇ
ହଳଦୀ ଲଗାଇ ଦେବା ଗାଧୋଇ।।
ନାନା କିସମରେ ମୁଣ୍ଡ କୁଣ୍ଡାଇ
ବାସ ମଲ୍ଲୀ ଫୁଲେ ବେଣୀ ସଜାଇ।।
ଟିପି ଚନ୍ଦନରେ ମଥା ସଜାଇ
କଜଳ କୁଙ୍କୁମ ଦେବା ଲଗାଇ।।
ନୂଆଁ ଶାଢୀ ପିନ୍ଧି ଯତନେ ଆମେ
ସଜାଇ ହେବା ଲୋ ହରଷ ମନେ।।
ସବୁ ଘରେ ଭଲି ଭଲିକା ପିଠା
ଆରିସା ଗଇଁଠା କେତେ ଯେ ମିଠା।।
ରଜ ପାନ ଖାଇ ନାଲି ଓଠରେ
ଖେଳିବା ଖେଳ ଲୋ ଖୁସି ମନରେ।।
ରାଗ ରୋଷ ମାନ ମନରୁ ଭୁଲି
ଝିଅ ବୋହୁ ମିଶି ଖେଳିବା ଦୋଳି।।
ଗାଆଁ ତୋଟା ମାଳ ପଡେ ଉଛୁଳି
ଗୀତ ଗାଇବା ଲୋ ଦୋଳିରେ ଝୁଲି।।
ମିଳିମିଶି ଗାଆଁ ପଡିଶା ଘର
ବୁଲି ଯିବା ଆସ ବଉଳ ମୋର।।
ମମତା ସାହୁ
ଗାଈଗାଁ,କଳାହାଣ୍ତି
