ରଜ ଆସେ
ରଜ ଆସେ ପହିଲି ଆଷାଢ଼ରେ
ରଜ ଆସେ ମେଘ ସବାରୀରେ
ରଜ ଆସେ ଫଲ୍ଗୁ ଧାରାରେ
ରଜ ଆସେ ରିମ୍ ଝିମ୍ ବର୍ଷାରେ
ରଜ ଆସେ ସଜବାଜ ନେଇ
ରଜ ଆସେ କୁମାରୀଙ୍କ ପାଇଁ
ରଜ ଆସେ ହଳଦୀ ମଖାରେ
ରଜ ଆସେ ତିନି ଦିନ ପାଇଁ
ରଜ ,ପହିଲି,ସଂକ୍ରାନ୍ତି, ଭୁଇଁନହଣକୁ ନେଇ
ରଜ ଆସେ ଦୋଳି ପଟାରେ
ରଜ ଆସେ ଖିଲିପାନ ଭଙ୍ଗାରେ
ରଜ ଆସେ ପୋଡ଼ ପିଠାରେ
ରଜ ଆସେ ଆମ୍ବ,ସପୁରୀ,ପଣସରେ
ରଜ ଆସେ ଅଳତା ମେହେନ୍ଦିରେ
ରଜ ଆସେ ବାସ୍ନା ସାବୁନ ଆଉ ତେଲରେ
ରଜ ଆସେ ଟିପିଟିପି ଚନ୍ଦନ ଟିପାରେ
ରଜ ଆସେ ନୂଆ ବସ୍ତ୍ର ମାନଙ୍କରେ
ରଜ ଆସେ ତାଆସ,ବାଗୁଡି ଖେଳରେ
ରଜ ଆସେ ନାନା ମିଷ୍ଟାନ୍ନ ବ୍ୟଞ୍ଜନରେ
ରଜ ଆସେ ରଜ ଦୋଳି ଗୀତରେ
ରଜ ଆସେ ଚକୁଳି ,ମାଂସ ଝୋଳରେ
ରଜ ଆସେ ସାଙ୍ଗ ସାଥି ମେଳରେ
ରଜ ଆସେ ମନମତାଣିଆ ଗୀତ ଗାଇ
ରଜ ଏମିତି ପ୍ରତିବର୍ଷ ଆସେ ରଙ୍ଗ ନେଇ