ରଜ
ରଜ
ସେଦିନ ବି ଥିଲା
ଆଜି ବି ଅଛି
କିନ୍ତୁ ନାହିଁ
କେବଳ ସେଦିନର
ତୁମ ହରସ
ତୁମ ଆବେଗ
ତୁମ ଭାବ
ତୁମ ପ୍ରୀତିସ୍ପର୍ଦ୍ଧା ଚାହାଣୀ ।
ସେଦିନ ତୁମେ ଥିଲ ଆଉ ମୁଁ ବି ଥିଲି
ଗରମ ଆଉ ଗୁଳି ଗୁଳିକୁ ଖାତିର ନକରି
ସବୁ କଟକଣାକୁ ପଛରେ ପକାଇ
ଧାଇଁ ଆସିଥିଲ ମୋ ପାଖକୁ
ଆଉ
ରଜ ଦୋଳିର ତାଳେ ତାଳେ
ବାଣ୍ଟି ଥିଲେ ଆମେ ଆମ ଭିତରେ
ଆମର ହସ,ଖୁସି,ସ୍ମୃତି ଆଉ ପ୍ରୀତି ।।
ଆଜି ତୁମେ ଅଛ ଆଉ ମୁଁ ବି ଅଛି
ସେହି ରଜ ବି ଆସିଛି
କିନ୍ତୁ ଆମ ଭିତର ଦୂରତା ଆଜି
ଅନେକ ବାଟ ଲମ୍ବି ଯାଇଛି,
ତୁମ ସ୍ୱାର୍ଥର ଦଉଡ଼ି
ପ୍ରତାରଣାର ରଞ୍ଜନ ରଶ୍ମିରେ
ଜଳି ଯାଇ ଛିଣ୍ଡି ଯାଇଛି,
ଆଉ ଆମ ସଂପର୍କର ରଜ ଦୋଳି
ଝୁଲିବା ପାଇଁ ସଂଗ୍ରାମ କରୁଛି ।।
ରଜର ଅନେକ ଅନେକ ଶୁଭେଚ୍ଛା …
ସସ୍ମିତେଶ ସାହୁ
ଶଙ୍ଖଚିଲା,ଯାଜପୁର
