ସଂସାର
ସହଜ ନୁହଁଇ ସଂସାର ଗଢ଼ିବା
ଅଛି କେତେ ସୁଖ ଦୁଃଖ
କାହା ଭାଗ୍ୟେ ଲେଖା ସୁଖର ପାହାଡ଼
କାହା ଭାଗ୍ୟେ ଦେଲ ଦୁଃଖ
କି ବିଚାର କଲ କୁହେ ହେ ଠାକୁର
ମିଳୁନାହିଁ ଟିକେ ସୁଖ
ସହଜ ନୁହଁଇ …………..୧
ସମଭାବ ନାହିଁ ତୁମରି ସଂସାରେ
ଅଛି ଏଠି ଭେଦ ଭାବ
ସବୁରି ଶରୀରେ ତୁମେ ପରା ଅଛ
ନାହିଁ ତୁମ ଏହି ଭାବ
କୁହ ପ୍ରଭୁ ତୁମେ କାହିଁ ପାଇଁ ଏଠି
ଭେଦଭାବ କରି ଦେଖ
ସହଜ ନୁହଁଇ ……………୨
ଲୁହ ଦେଖି ତୁମେ ଖୁସି ଯଦି ହୁଅ
ଲୁହକୁ ମୁଁ ଢାଳି ଦେବି
ନିତି ନିତି କାହିଁ ଜୀବନୁ ମରିବି
ତୁମକୁ ଜୀବନ ଦେବି
ଆହେ ପ୍ରାଣନାଥ ଦୋଷ ଧରନାହିଁ
ଆତ୍ମା କୁ ସୁଖରେ ରଖ .
ସହଜ ନୁହଁଇ ସଂସାର ଗଢ଼ିବା
ଅଛି କେତେ ସୁଖ ଦୁଃଖ…………୩
ସତ୍ୟରଞ୍ଜନ ସ୍ୱାଇଁ
ଅବଦଲପୁର, ଯାଜପୁର
