ଏଇ ସାଗରର ନୀଳ ଉର୍ମି ମାଳାରେ
କଣ୍ଡୁରୀ ଚରଣ ନାୟକ
ଏଇ ସାଗରର ନୀଳ ଉର୍ମି ମାଳରେ
ନାଚେ ତାଳେ ତାଳେରେ
ଜଳ ପରୀ ମୁଁ ନାଚେ, ଝୁମି ଝୁମିରେ। ୦।
ଅତି ଆଦର ମୋର ବେଳା ଭୂମିକୁ
ଚୁମ୍ବି ଯାଏ ମୁଁ ଆସି ଥର ଥରକୁ
ଉଦଣ୍ଡ ବାଦ୍ଯ ନାଦେ ନୃତ୍ୟ ମୋହର
ଢଳି ଢଳି ମୋ ନୃତ୍ୟ ପାରାବାରାରେ। ୧।
ସମୀର ବଂଶୀ ସ୍ୱନେ ହୁଏ ଅଧିର
ଝାଉଁ ବନାନୀ ଡାକେ ଥରକୁ ଥର
ମୋର ପରଶେ ଜାଗେ କାମନା ତାର
ମିଳନେ ଲୀନ ହୁଏ ନୀଳ ସାଗରେ। ୨।
ଉତ୍ତେଜିତ ମୋ ତନୁ ବେଳା ଭୂମିରେ ବାଲୁକା ରାଶି ମୋତେ ଆଦର କରେ
ଆମ୍ଭ ମିଳନ କାହିଁ ଯୁଗ ଯୁଗର
ତା ପ୍ରିତୀ ଦାନେ ତୁଷ୍ଟେ ନାଚେ ଝୁମିରେ। ୩।
ଗଙ୍ଗନଗର ପଲ୍ଲୀ,
ଭୂବନେଶ୍ବର।
