ମୟୂରଭଞ୍ଜ – ୨୧/୬/୨୨(ମସିହା) ଭାରତୀୟ ସନାତନ ସଂସ୍କୃତିର ମାନବ ସମାଜ ପାଇଁ ସବୁଠାରୁ ଅମୂଲ୍ୟ ଅବଦାନ ଯୋଗ । କେଉଁ ଆବାହମାନ କାଳରୁ ଯୋଗ ଦେବ ଦାନବ ମୁନିଋଷିମାନଙ୍କଦ୍ବାରା ଆରମ୍ଭ ହୋଇଛି ତାହା କହି ହେବନାହିଁ ! ମଣିଷର ପ୍ରକୃତି ଓ ମନକୁ ନିୟନ୍ତ୍ରଣ କରେ ଯୋଗ ।ଜାତି , ଧର୍ମ ଓ ବର୍ଣ୍ଣ ନିର୍ବିଶେଷରେ ସମଗ୍ର ବିଶ୍ବବାସୀଙ୍କ ଯୋଗ ଏକ ଅପରିହାର୍ଯ୍ୟ ସତ। ସୁସ୍ଥ ମାନସିକତା ଓ ସୁସ୍ଥ ଶରୀରର ଗଠନରେ ଯୋଗ ସାହାଯ୍ୟ କରିଥାଏ । 
ଯୋଗ ନିରୋଗ ରଖିବା ସହ ମନରେ ଶାନ୍ତି ଆଣିଦେଇଥାଏ ଭାରତ ସରକାରଙ୍କ ଆଜାଦ କୀ ଅମୃତ ମହୋତ୍ସବ ୭୫ ବର୍ଷ ପୂର୍ତ୍ତି ଅବସରରେ ସମଗ୍ର ଭାରତରେ ୭୫ ଟି ଐତିହ୍ୟ ସ୍ଥାନରେ ତନ୍ମଧ୍ୟରୁ ଓଡ଼ିଶାରେ ପୁରୀ , କୋଣାର୍କ ଏବଂ ମୟୂରଭଞ୍ଜ ଆଦିବାସୀ ଅଧ୍ୟୁଷିତ ଜିଲ୍ଲା ଖିଚିଂ ମା’କୀଚକେଶ୍ବରୀ ମନ୍ଦିର ପ୍ରାଙ୍ଗଣରେ ଯୋଗ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଏହି ପାବନ କାର୍ଯ୍ୟକ୍ରମକୁ କେନ୍ଦ୍ର ଜଳଶକ୍ତି ଓ ଆଦିବାସୀ କଲ୍ୟାଣ ମନ୍ତ୍ରୀ ଇଂ ବିଶେଶ୍ୱର ଟୁଡୁଙ୍କ ଦ୍ବାରା ପ୍ରଦୀପ ପ୍ରଜ୍ବଳନ କରାଯାଇ ଶୁଭ ଉଦ୍ଘାଟନ କରିଥିଲେ ।
ତାଙ୍କ ସହିତ ଯଶିପୁର ବିଧାୟକ ଇଂ ଗଣେଶ ରାମ ଖୁଣ୍ଟିଆ, ରାଇରଙ୍ଗପୁର ବିଧାୟକ ନବ ଚରଣ ମାଝୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ସାମିଲ ହୋଇଥିଲେ । ମୁଖ୍ୟ ଅତିଥି ଇଂ ବିଶେଶ୍ୱର ଟୁଡୁ କହିଥିଲେ ଆବାଳବୃଦ୍ଧବନିତା ସମ୍ତସ୍ତେ ଦୈନନ୍ଦିନ ଜୀବନରେ ଅଳ୍ପ ସମୟ ହେଲେବି ଯୋଗ କ୍ରିୟା କରିବା ଉଚିତ । ଯୋଗ ନିରୋଗ ରଖିବା ସହ ଜୀବନରେ ଆତ୍ମବଳ, ଶାନ୍ତି ଓ ଧୈର୍ଯ୍ୟ ଆଣିଥାଏ । ସୁସ୍ଥ ସମାଜ ଗଠନରେ ଯୋଗର ଭୂମିକା ଅବର୍ଣ୍ଣନୀୟ । ଜିଲ୍ଲା ଯୋଗ ସମିତି ସଂଯୋଜକ ସଂଜୟ ମହାନ୍ତ ଏବଂ ସହଯୋଗୀ ଉପସ୍ଥିତ ୨୫୦୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ,ଶିକ୍ଷକ , ଶିକ୍ଷୟତ୍ରୀ, ସବୁବର୍ଗର ଲୋକଙ୍କୁ ଧ୍ୟାନ, ପ୍ରାଣାୟମ,ଯୋଗ ପ୍ରଶିକ୍ଷଣ କରାଇଥିଲେ । ସମଗ୍ର ଖିଚିଂରେ ଯୋଗ ଓ ଆଧ୍ୟାତ୍ମିକ ପରିବେଶ ହୋଇ ଉଠିଥିଲା ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ ।
