ମ, ରାମପୁର,୨୨/୬(ମସୀହା):- କଳାହାଣ୍ଡି ଜିଲ୍ଲା ର ଆଭ୍ୟନ୍ତରୀଣ ଇଲାକା ରେ ରହୁଥିବା ଆଦିବାସୀ ମାନେ ବି ଭାରତର ନାଗରିକ । ସେମାନଙ୍କ ମଧ୍ୟ ଅନ୍ୟମାନଙ୍କ ଭଳି ସମସ୍ତ ଅଧିକାର ପାଇଁ ହକ୍ ରହିଛି । କିନ୍ତୁ ପ୍ରାଥମିକ ଆବଶ୍ୟକତା ରାସ୍ତା ନ ଥିବା କାରଣରୁ ଶିକ୍ଷା, ସ୍ୱାସ୍ଥ୍ୟ ସହ ଅନ୍ୟ ଅନେକ ମୌଳିକ ସୁବିଧା ସୁଯୋଗରୁ ବଞ୍ଚିତ ହେଉଛନ୍ତି । ଏମାନଙ୍କ ସ୍ବପ୍ନ କୁ ସାକାର କରିବାକୁ ଆଭ୍ୟନ୍ତରୀଣ ଇଲାକା ରେ ଠିକାଦାର ମାନେ ନିଷ୍ଠାପର ଭାବରେ ରାସ୍ତା ସଂଯୋଗିକରଣ ପାଇଁ କାମ କରୁଛନ୍ତି । କିନ୍ତୁ ସିପିଆଏମ୍ ଓଡ଼ିଶା ରାଜ୍ୟ କମିଟି ର ସଦସ୍ୟ ମାନେ ବିଭିନ୍ନ ସମୟ ରେ ହଇରାଣ ହରକତ କରୁଛନ୍ତି । ଏଭଳି ନ କରି ସହଯୋଗ କରନ୍ତୁ ବୋଲି କଳାହାଣ୍ଡି ଠିକାଦାର ସଂଘ ପକ୍ଷରୁ ମ, ରାମପୁର ବ୍ଲକ୍ ମାଣିକେରା ଅଞ୍ଚଳ ର ବିଭିନ୍ନ ସ୍ଥାନରେ ପୋଷ୍ଟର ଲାଗିଥିବା ଦେଖିବାକୁ ମିଳିଛି । ଏଠାରେ ସୂଚନା ଥାଉ କି ମ.ରାମପୁର ବ୍ଲକ୍ ଉର୍ଲାଦାନୀ ପଞ୍ଚାୟତ ନୂଆ ମୁଣ୍ଡା ରେ ମଧ୍ୟ ମାଓ ସଙ୍ଗଠନ ତରଫରୁ ଠିକା କ୍ୟାମ୍ପ ରେ ଲଙ୍କା କାଣ୍ଡ ଭିଆଇଥିଲେ। ତେବେ ଠିକା ସଂଘ ର ଏଇ ପ୍ରାର୍ଥନା ପତ୍ର ମାଓ ସଙ୍ଗଠନ ଉପରେ କିଭଳି ପ୍ରଭାବ ପକେଇବ ତାହା କେବଳ ଦେଖିବାକୁ ବାକି ରହିଲା ବୋଲି ବିଭିନ୍ନ ମହଲ ରେ ଚର୍ଚ୍ଚା ଜୋର ଧରିଛି।
ମ. ରମପୁରାରୁ ପରମାନନ୍ଦ ବିଶି ଙ୍କ ରିପୋର୍ଟ l
