କର୍ଲାମୁଣ୍ଡା: ଦୀର୍ଘ ୨ ବର୍ଷ ହେଲା କରୋନା ମହାମାରୀ ଯୋଗୁଁ ପ୍ରଭୁ ଜଗତର ନାଥ ଜଗନ୍ନାଥ ଭକ୍ତଙ୍କୁ ରଥରେ ଦର୍ଶନ ଦେଉନଥିଲେ କି ମାଉସୀ ଘରକୁ ଯାଉନଥିଲେ l ଏଇ ବର୍ଷ ରଥରେ ବିଜେକରି ଭକ୍ତଙ୍କୁ ଦେବେ ଦର୍ଶନ l ତେଣୁ ଭକ୍ତଙ୍କ ମନରେ ଆନନ୍ଦର ଲହରୀ ଖେଳୁଛି l ଏନେଇ ଗାଁ ଗହଳିରେ ଏବେଠୁ ଉତ୍ସାହ ଦେଖାଗଲାଣି l ଏପରି କ୍ଷେତ୍ରରେ ଜଣେ ଭକ୍ତ ନିଜସ୍ୱ ଖର୍ଚ୍ଚରେ ରଥ ନିର୍ମାଣ କରି ପ୍ରଭୁଙ୍କୁ ଭେଟି ଦେଇଥିବା ଦେଖିବାକୁ ମିଳିଛି l କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକର ରିଞ୍ଜା ପଞ୍ଚାୟତର ଟକାରୁମାଲ ଗ୍ରାମର ଲାଲମନ ସାହୁ ଭଟାପଲା ଶ୍ରୀ ଜଗନ୍ନାଥ ମନ୍ଦିରକୁ ବୁଧବାର ନବନିର୍ମିତ ରଥ ଭେଟି ଦେଇଥିଲେ l ଶ୍ରୀ ସାହୁ ହେଉଛନ୍ତି ଯୁବ ଖବରଦାତା ଯୁବରାଜ ସାହୁ ତଥା ରିଞ୍ଜା ପଞ୍ଚାୟତ ର ପୂର୍ବତନ ସରପଞ୍ଚ ଭୋଜବନ୍ତି ସାହୁଙ୍କ ଶଶୁର l ଭଟାପଲା ଗ୍ରାମରୁ ସତାଧିକ ଲୋକ ଭଜନ କୀର୍ତ୍ତନ, ଘଣ୍ଟ, ଶଙ୍ଖ, ହରିବୋଲ, ହୁଳହୁଳି ରେ କମ୍ପି ଉଠିଥିଲା ଶ୍ରୀସାହୁ ଙ୍କ ଘର ଏବଂ ଗାଁ ରୀତିନୀତି ଅନୁଯାଇ ପୂଜାର୍ଚନା କରାଯାଇଥିଲା l ଶ୍ରୀ ସାହୁ ଅନ୍ନ ପ୍ରସାଦ ର ବ୍ୟବସ୍ଥା କରିଥିଲେ l ଭଟାପଲା ଗ୍ରାମବାସୀ ଅତ୍ୟନ୍ତ ଆନନ୍ଦ ମନରେ ରଥକୁ ବାହୀ ନେଇଥିଲେ ନିଜଗାଁକୁ l ଶ୍ରୀ ସାହୁଙ୍କ ଏପରି ପଦକ୍ଷେପକୁ ସାଧାରଣରେ ଉଚ୍ଚ ପ୍ରଶଂସା କରାଯାଉଛି l କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
previous post