ଜଣାଣ
ମାନଗୋବିନ୍ଦ ସ୍ବାଇଁ
ଆସିଛି ମୁଁ ଏକା ଯିବି ମୁହିଁ ଏକା
ଭାବଥିଲା ମର୍ତ୍ତ୍ୟ ଭୂଇଁ
ପ୍ରେମର ବନ୍ଧନ ମାୟାର ସଂସାର
ଏ ପ୍ରେମ କ୍ଷଣିକ ପାଇଁ।
ଆକାଶ ପାତାଳ ସଂପର୍କ ରହିଛି
ପ୍ରେମର ରାସ୍ତା ବନ୍ଧନ
ସେହି ପଥ ଦେଇ ସଭିଏଁ ଯିବାରେ
ପ୍ରଭୁ ଦେ ଭାବ ଚୁମ୍ବନ।
ହରିରାମ ଶବ୍ଦ ତୁଣ୍ଡେ କରି ବାସ
ପାପ ହୁଏ ସବୁ ଦୂର
ଭଜନ ଜଣାଣ ସଂକୀର୍ତ୍ତନ କଲେ
ପ୍ରଭୁ ଯେ ମୋ ଈଶ୍ୱର।
ଯେତେ ଦିନ ଥିବି ତୁମ ନାମ ଧରି
ନିତି କରୁଥିବି ଜପ
ଦୋଷ କ୍ଷମା ଦୂର କର ପ୍ରଭୁ ମୋତେ
ନିତି ଭୁଲ କର ମାପ।
ତୁମ ଛଡ଼ା ମୋର ଗତି କେବେ ନାହିଁ
ତୁମେ ଜୀବନ ଆଦେଶ
ଆଜ୍ଞା ଦେଲେ କହି ସେପଥ ଦିସଇ
ସେହିତ ମୋର ସନ୍ଦେଶ।