କାଳିଆକୁ ଜ୍ଵର
ପ୍ରଶାନ୍ତ କୁମାର ନାଥ
ସ୍ନାନ ପୂର୍ଣ୍ଣିମାରେ ଗାଧୋଇଲୁ ଜଗା
ଶହେ ଆଠଗରା ଜଳେ
ଅଣସରେ ରହି ବଥାଉଛି ଦେହ
ଶ୍ରୀଅଙ୍ଗରୁ ଜ୍ଵର ଜଳେ।
ଦଇତା ପତିଏ ଔଷଧ ଯୋଗାଡି
ଲେପନ୍ତି ଅଙ୍ଗରେ ନେଇ
ସୁରଙ୍ଗ ଅଧର ଦିଶଇ ମଳିନ
ଜ୍ଵର ପିଡା ସେଯେ ପାଇ।
ରୁଚୁନି ମୁଣ୍ଡକୁ ଷାଠିଏ ପଉଟି
ପଣା ଚକଟାକୁ ଖାଓ
ଚନ୍ଦନ କସ୍ତୁରୀ କର୍ପୁର ଲେପନେ
ଉପସମ ତୁମେ ପାଓ।
ଫୁଲୁରି ତେଲକୁ ମାଲିସ୍ ହୋଇଣ
ଜ୍ଵର ପିଡା କମି ଥାଏ
ଅଣସରେ ରହି ଶ୍ରୀଅଙ୍ଗ ଲୁଚାଇ
ସଵୁ କଷ୍ଟ ସହି ଯାଏ।
ରାଜ ବଇଦଙ୍କ ଦଶମୂଳି ଖାଇ
ସୁସ୍ଥ ହୋନ୍ତି ଭଲ ଭାବେ
ପତି ମହାପାତ୍ର ଉପଚାର ପାଇ
ଶ୍ରୀଜୀଉ ସୁନ୍ଦର ତେବେ।
ତୁ ସିନା ପାଉଛୁ ଅଣସର ପିଡା
ଭକତର ଦୁଃଖ ମନ
ଦରଶନ ଟିକେ ପାଉନାହିଁ ତୋର
ଆହେ ରେ ଚକା ବଦନ।
ନନ୍ଦିଘୋଷ ରଥ ହୋଇଅଛି ସଜ
ଯିଵୁ ତୁ ମାଉସୀ ଘର
ବଡ଼ ଦାଣ୍ଡେ ଯେଵେ ଆସିବୁ କାଳିଆ
ଦୁଃଖ ହେଇ ଯିବ ଦୂର।।