ତୋ ଦର୍ଶନ ସାତ ସ୍ବପ୍ନ
ଘୋଷାଡ଼ିବା ଠାରୁ ବଳେ ମୋର ଦୁଃଖ
ଘୋଷଯାତ୍ରା କରୁ ତୁ କଳା ଶ୍ରୀମୁଖ
ତୋ ଦର୍ଶନ ସାତ ସ୍ବପ୍ନ
ଓଳିଏ ଖାଇଲେ ଓଳିଏ ଓପାସ
କରୁକିଆଁ ହିନିମାନ
ବାଲିରଥେ ବିଜେ ଭକତର ପାଇଁ
ଦାସିଆ ନଡ଼ିଆ ଶ୍ରୀଭୁଜରେ ନେଇ
ଦେଖାଇଛୁ ବଡ଼ପଣ
ବନ୍ଧୁମାହାନ୍ତିକୁ ସୁନାଥାଳି ଦେଇ
ରଖିଛୁ ଭକତ ମାନ
ମୋ ବେଳକୁ କରୁ କପଟ ସ୍ଵଭାଵ
ସବୁଜାଣିଶୁଣି ରହିକି ନିରବ
ବଡ଼ଦାଣ୍ଡେ ଚାଲୁ ଝୁଲି
ଭକ୍ତ ପାଇଁ ଯେବେ ତୋ ରଥଯାତରା
ମୋତେ କିଆଁ ଯାଉ ଭୁଲି
ଗଢିବା ଭାଙ୍ଗିବା ସବୁ ତୋର ନାଟ
କାନ୍ଦି କାନ୍ଦି ମରେ ମୁଁ ଜଣେ ପତିତ
କରୁଣା କାହିଁକି ଉଣା
କେଉଁ ଜନ୍ମ ପାପ ଭୁଞ୍ଜୁଛି ଠାକୁରେ
ବାରେ,ଦେଖାଅ ମୁକତି ଠଣା