ହେ ଚକାଆଖି ମୋତେ ଦିଅ ଆଶିଷ
ହେ ଚକାଆଖି ମୋତେ ଦିଅ ଆଶିଷ
ଦିଅ ଆଶିଷ ମୋତେ ଦିଅ ଆଶିଷ…
ମୁଁ ଦୀନ ଜନ
ହୀନ ଅକିଞ୍ଚନ…
ତୁମରି କରୁଣା କରିଛି ଆଶ….,
ହେ ଚକାଆଖି ମୋତେ ଦିଅ ଆଶିଷ
( 0 )
ତୁଣ୍ଡେ କୁଟା ଧରି ସତେ, ଆଖି ଛୁଇଁ କହୁଛି
ଢୋକେ ପିଇ ଦଣ୍ଡେ ଜୀଇଁ, ଏ ଜୀବନ କାଟୁଛି,
କି କହିବି ତୁମ ଆଗେ…
ମୋ’ ଦୁଃଖ ବିଶେଷ……..,
ହେ ଚକାଆଖି ମୋତେ ଦିଅ ଆଶିଷ..
( ୧ )
ଆଗେ ପଛେ ନାହିଁ କେହି, ଚାରି ଦଉଡ଼ି କଟା
ନର-ଗୋଠ ଖଣ୍ଡିଆ ମୁଁ, କପାଳ ମୋର ଫଟା,
ତୁମେ ପ୍ରାଣ ତୁମେ ବଳ…
ତୁମେ ମୋ’ ସାହସ……,
ହେ ଚକାଆଖି ମୋତେ ଦିଅ ଆଶିଷ.
( ୨ )
ମାଗୁ ନାହିଁ ରହିବାକୁ, ତୁମରି ପ୍ରାସାଦ
ଚାହୁଁନାହିଁ ସୁଖ ପାଇଁ, ଧନ କି ସମ୍ପଦ,
ଦିଅ ଟିକେ ଓଠେ ହସ…
ମୁଖେ ମଧୁ ଭାସ……..,
ହେ ଚକାଆଖି ମୋତେ ଦିଅ ଆଶିଷ.
ଦିଅ ଆଶିଷ. ମୋତେ ଦିଅ ଆଶିଷ
( ୩ )