ବାହୁଡା ଯାତ୍ରା

     ବେଣୁଧର ସୂତାର

 

ଅଖିଳ ବିଶ୍ବର ରାଜ ରାଜେଶ୍ଵର

ନୀଳାଦ୍ରି ବିହାରୀ ହରି

ଦିବ୍ୟମୟଲୀଳା କରେଚକାଡୋଳା

ନନ୍ଦିଘୋଷେ ବିଜେ କରି

                  ପ୍ରାଣମିତ ଲୋ

ଲୋ ପ୍ରାଣ ମିତ 

ଦେଖିବା ଶ୍ରୀଗୁଣ୍ଡିଚା ଯାତ

ତିନିରଥ ସୁସଜ୍ଜିତ

ବିଜେ ହେବେ ଶ୍ରୀ ଅଚ୍ୟୁତ

ପ୍ରାଣ ମିତ,ଦେଖିବା           

            ଶ୍ରାଗୁଣ୍ଡିଚା ଯାତ ।।

ସୁନୀଳ ଜୀମୁତକାନ୍ତି ଦାରୁମୁରାରୀ

ଅଖିଳ ମନମୋହନ ରୂପମାଧୁରୀ

ଅପୂର୍ବରୂପଧାରୀ ଦାରୁବ୍ରହ୍ମମୁରାରୀ

ଆସନ୍ତି ରାମହରି ପହୁଣ୍ଡିବିଜେକରି

ଚିନ୍ମୟଚିଦାନନ୍ଦ ବଳରାମଗୋବିନ୍ଦ

ସଙ୍ଗେଘେନି, ଭଗିନୀ              

             ସୁଭଦ୍ରିକା ମାତ     

                ଲୋ,ପ୍ରାଣମିତ………

ମଥାରେ ଟାହିଆ ଦେଖ

                       କି,ଅନୁପମ

ଝୁଲି ଝୁଲି ଆସୁଛନ୍ତି

                      ଶ୍ରୀ ବଳରାମ

ଆଡପମଣ୍ଡପରୁ ଆସନ୍ତି ମହାମେରୁ

କାମ କଳପତରୁ 

                ଦେଖିବା ନେତ୍ରେଦୂରୁ

ବିଜୟ ନନ୍ଦିଘୋଷେ

                 କଳା ବାମନ ବେଶେ

ତନୁ ମନ,ତାପାଦେ କରିସମର୍ପିତ।

                ଲୋ ପ୍ରାଣମିତ………

ଶରଧାବାଲିରୁ ତାର ସିଂହ ଦୁଆର                          

ଭକ୍ତଜନ ସମୁଦ୍ରର ଉଠେ ଜୁଆର

ଭକତ ଭଗବାନ ଅପୂର୍ବ ଏ ମିଳନ

ରଥରେ ଦରଶନ ନିର୍ଗୁଣ ନିରଞ୍ଜନ

ବିମୁଗ୍ଧ ଭାବସତ୍ତା ନିଖିଳମୁକ୍ତିଦାତା

ଶ୍ରୀପୟରେ ,କରିବା 

            ଭକ୍ତି ପ୍ରଣିପାତ

                    ଲୋ ପ୍ରାଣମିତ

      ଦେଖିବା ଶ୍ରୀଗୁଣ୍ଡିଚା ଯାତ ।।

କେଶଦୁରାପାଳ , କେନ୍ଦୁଝର