ନର୍ଲା(ମନିସ) : ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି)ର ୭୫ ତମ ବର୍ଷର ଶୁଭାରମ୍ଭ ହୋଇଯାଇଛି। ଏହି ଅବସରରେ ବିଦ୍ୟାର୍ଥୀ ପରିଷଦ ତରଫରୁ ସାରା ଦେଶରେ ବୃକ୍ଷ ରୋପଣ ସହ ଅନେକ ସ୍ଥାନରେ ସେବାକାର୍ଯ୍ୟ ହେଉଛି। ଏବିଭିପି ନର୍ଲା ନଗର ତରଫରୁ ପଞ୍ଚାୟତ ସମିତି ମହାବିଦ୍ୟାଳୟ ନର୍ଲା ଓ ସରକାରୀ ଉଚ୍ଚ ବିଦ୍ୟାଳୟ ମାଣ୍ଡେଲରେ ବୃକ୍ଷମିତ୍ର ଅଭିଯାନରେ ବୃକ୍ଷ ରୋପଣ କରାଯାଇଛି। ଏହି କାର୍ଯ୍ୟକ୍ରମରେ ନର୍ଲା ନଗର ସଭାପତି ତଥା ଅଧ୍ୟାପିକା ବାସନ୍ତୀ ସାହୁ , କଳାହାଣ୍ଡି ବିଭାଗ ସଂଯୋଜକ ନୃପମଣି ବାହୁକ୍, ରତ୍ନାକର ନାଗ, ସନାତନ ନାଏକ ପ୍ରମୁଖ ଉପସ୍ଥିତ ଥିଲେ। ବୃକ୍ଷମିତ୍ର ଅଭିଯାନରେ ବିଦ୍ୟାର୍ଥୀ ପରିଷଦ ସାରା ଦେଶରେ ଏକ କୋଟି ଏବଂ କଳାହାଣ୍ଡି ଜିଲ୍ଲାରେ ୩୦୦୦୦ ବୃକ୍ଷ ରୋପଣ କରିବ ବୋଲି ଜିଲ୍ଲା ସଂଯୋଜକ ତନ୍ମୟ ବିଶି କହିଛନ୍ତି।
ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି।