ଯୁକ୍ତ ଦୁଇ ପରେ ପାଠ ପଢା ରେ ଡୋରି ବନ୍ଧା ଯାଇଥିଲା
ଧର୍ମଗଡ:୧୨/୦୭/୨୨: ଧର୍ମଗଡ ବ୍ଲକ ଜୟନ୍ତପୁର ଗ୍ରାମର ଜଣେ ଆଦିବାସୀ ସମ୍ପ୍ରଦାୟର ଝିଅ ଅର୍ଥ ଅଭାବରୁ ଯୁକ୍ତ ଦୁଇ ପାସ କରିବା ପରେ ପାଠପଢି ପାରୁନଥିବା ବେଳେ ଏ ସମ୍ପର୍କ ରେ ଖବର ପାଇ ଆଜି ଧର୍ମଗଡ ଆଦିବାସୀ ସଙ୍ଘ ସମ୍ପୃକ୍ତ ଝିଅ କୁ ସହାୟତାର ହାତ ବଢ଼ାଇଛି।ସଙ୍ଘ ର ସମ୍ପାଦକ ଗୋବର୍ଦ୍ଧନ ଶବର, ଉପସଭାପତି -ବନମାଳୀ ଭୋଇ, କୋଷାଧ୍ୟକ୍ଷ ଶ୍ୟାମ ସୁନ୍ଦର ମାଝୀ, ରୁକୁରାମ ଶବର, ନିରଞ୍ଜନ ଧରୁଆ, ଜୈବଲ କୁମାର ବାଗ ପ୍ରମୁଖ ଆଜି ଜୟନ୍ତପୁର ଗ୍ରାମ କୁ ଯାଇ ମାଳତୀ ଓ ଅଭିଭାବକ ଙ୍କ ସହ ଆଲୋଚନା କରିଥିଲେ। ଝିଅ ମାଳତୀ ନାଏକ ଙ୍କ ଯାବତୀୟ ପଢ଼ା ଖର୍ଚ୍ଚ ସଂଘ ବହନ କରିବା ପ୍ରତିଶୃତି କର୍ମକର୍ତ୍ତା ମାନେ ଦେଇଥିଲେ । ଏହାସହ ମାଳତୀ ପରିବାର କୁ କିଛି ଅର୍ଥ ମଧ୍ୟ ସହାୟତା କରିଥିଲେ। ମାଳତୀ ଜଣେ ମେଧାବୀ ଛାତ୍ରୀ ଥିଲେ ହିଁ ଅର୍ଥ ଅଭାଵ କାରଣରୁ ଆଗକୁ ପଢିପାରିନାହାନ୍ତି । ବିଧବା ବୃଦ୍ଧା ମାଆ କଷ୍ଟେ ମଷ୍ଟେ ମାଳତୀ କୁ ଯୁକ୍ତ ଦୁଇ ଯାଏ ପାଠ ପଢାଇବାରେ ସକ୍ଷମ ହୋଇଥିଲେ । ସେ ଅତ୍ୟନ୍ତ ଗରିବ ଶ୍ରେଣୀର ହୋଇଥିବା ବେଳେ ମାଲତି ର ଆଗ୍ରହ ସତ୍ତ୍ୱେ ଆର୍ଥିକ ଅଭାବ ଯୋଗୁ ପାଠ ପଢ଼ାରେ ରୋକ ଲାଗିଥିଲା। ଏପରି ପରିସ୍ଥିତି ରେ ଆଦିବାସୀ ସଂଗଠନ ମାଳତୀ ର ପାଠ ପଢ଼ା ର ସମସ୍ତ ଦାୟିତ୍ୱ ନେବ ବୋଲି ଆଜି ପ୍ରତିଶୃତି ଦେବା ପରେ ମାଳତୀ ର ଉଚ୍ଚ ଶିକ୍ଷା ଆଶା ଫଳବତୀ ହେବା ସମ୍ଭାବନା ସୃଷ୍ଟି ହୋଇଛି ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ
