Uncategorizedଶ୍ରୀ ବିଦ୍ୟାଧର ମହାନ୍ତ ଙ୍କ କବିତା ପୌରାଣିକ by Sunil Chandra NayakJuly 17, 2022089 Share0 ପୌରାଣିକ ସଂସାରରେ ସାର ପୌରାଣିକ କଥା ସଂସ୍କାର ସଂସ୍କୃତି ଉଲ୍ଲସାଏ ମଥା, ପୁରାଣରୁ ମିଳେ ଅତୀତର ଗାଥା ଯାହାପାଇଁ ତୃପ୍ତ ସର୍ବଦା ବିଧାତା |1| ପୁରାଣକୁ ଛାଡିଦେଲେ ନାହିଁସତ୍ତା ପୂରଣ ଆମର ଅତୀତ ନିର୍ମାତା, ପୁରାଣ କଢାଏ ଜନେ ଦିବ୍ୟ ପଥ ଆଗାମୀ କାଲିର ଆମ ଚଲା ରଥ|2| କିଥିଲା ମଣିଷ ଅତୀତ ସମୟେ କିହୋଇଛି ଆଜି ଚାଲୁଛି ନିର୍ଭୟେ, କେତେକେତେ କଥା ଘଟିଛି ଜଗତେ ତର୍ଜମା କରୁଛି ସଦାହୃଦ ଗତେ |3| ପୁରାଣ ଦେଖାଏ ମଣିଷକୁ ବାଟ ଯାହାପାଇଁ ବସେ ମଣିଷରେ ହାଟ, ଭଲମନ୍ଦ କଥା ବିଚାରନ୍ତି ନର ତା’ପାଇଁ ଗଢ଼ନ୍ତି ସଂସାର ସୁନ୍ଦର |4| କେତେ ମୁନିଋଷି ସିଦ୍ଧ ବାକ୍ୟମାନ ମଣିଷକୁଦିଏ ସୁନ୍ଦର ସମ୍ମାନ, ହୁଡ଼ି ଥିବା କଥା ମନରୁ ପାଶୋରି ସୁଗମ୍ୟ ମାର୍ଗକୁ ବସନ୍ତି ଆବୋରି |5| ପୌରାଣିକ କଥା ଅମୂଲ୍ୟ ସମ୍ପଦ ବିପଦରୁ ଆଣି ଦିଏ ନିରାପଦ, ପୁରାଣ ଦେଖାଏ ମାନବେ କାଞ୍ଚନ ସୁନ୍ଦର ଉଜ୍ଜଳ ସୁବର୍ଣ୍ଣ ରତନ |6| ତେଜେ ପ୍ରଭାକର କୋମଳେ ଚନ୍ଦ୍ରମା ଚଉଦ ବ୍ରହ୍ମାଣ୍ଡେ ନାହିଁ ତା’ଉପମା, ପୁରାଣରୁ ସଦା ଦିବ୍ୟସୁଧା ଝରେ ଗୁଣିଜ୍ଞାନୀ ନିତ୍ୟସେ ସ୍ଥଳେ ଵିହରେ|7| ପୁରାଣରୁ ସଦା ଫୁଲର ବାସନା ମର୍ତ୍ତ୍ୟପୁରେ ଝରେ ଶୋଷେଉଚମନା ପୌରାଣିକଗୁଣ ଜାଣେ ମହାମନା ନୀଚଲୋକ ତହିଁ ହୋଇଥାନ୍ତି ବଣା8| ପୂରଣକୁହୁଡି ଥିବା ଅଜ୍ଞ ଜନ ବିପଥରେ ଗମେ ସଦା ଅନୁକ୍ଷଣ, ନମିଳେ ତାହାକୁ କିଛି ଥଳକୂଳ ନପାଏ କେବେସେ ପ୍ରଭୂ ଆଦିମୂଳ | ବୋଲେ ବିଦ୍ୟାଧର ପୁରାଣକୁ ଧରି ଚାଲଥିଲେ ମର୍ତ୍ତେ ପୂଣ୍ୟ ଯିବ ଭରି, ପୌରାଣିକ ଆମ ଜ୍ଞାନର ସରଣୀ ଭବୁଉଦ୍ଧରିବା ଉତ୍ତମ ତରଣୀ |10| ଶ୍ରୀ ବିଦ୍ୟାଧର ମହାନ୍ତ ତମ୍ବାହରା ,ହରିଚନ୍ଦନପୁର, କେନ୍ଦୁଝର