ଲାଞ୍ଜିଗଡ,୨୩/୦୭(ମନିସ)-କଳାହାଣ୍ଡି ଜିଲ୍ଲାରେ ଏକାଦିକ୍ରମେ ୧୪୧ଜଣ ପଞ୍ଚାୟତ ନିର୍ବାହୀ ଅଧିକାରୀଙ୍କ ସାମୁହିକ ବଦଳି ହୋଇଥିବାବେଳେ ବିଭିନ୍ନ ବ୍ଲକରୁ ଲାଞ୍ଜିଗଡ ବ୍ଲକକୁ ଆସି କାର୍ଯ୍ୟରେ ଯୋଗ ଦେଇଛନ୍ତି ୧୧ଜଣ ପଞ୍ଚାୟତ ନିର୍ବାହୀ ଅଧିକାରୀ । ବ୍ଲକରୁ ପନ୍ଦର ଜଣ ପଞ୍ଚାୟତ ନିର୍ବାହୀ ଅଧିକାରୀଙ୍କ ବଦଳି ହୋଇଥିବାବେଳେ ତାହା ତୁଳନାରେ ୧୨ଜଣ ଅଧିକାରୀ ଲାଞ୍ଜିଗଡ ବ୍ଲକକୁ ବଦଳି ହୋଇ ଆସିଛନ୍ତି । ତେବେ ଜଣକୁ ଛାଡି ଅନ୍ୟ ୧୧ଜଣ କାର୍ଯ୍ୟରେ ଯୋଗ ଦେଇସାରିଛନ୍ତି । ଆଜି ବ୍ଲକ ପ୍ରଶାସନ ପକ୍ଷରୁ ବ୍ଲକରେ ଯୋଗ ଦେଇଥିବା ୧୧ଜଣ ପଞ୍ଚାୟତ ନିର୍ବାହୀ ଅଧିକାରୀଙ୍କ ସମେତ ପୂର୍ବରୁ କାର୍ଯ୍ୟରତ ଅଧିକାରୀମାନଙ୍କୁ ମଧ୍ୟ ପଂଚାୟତ ଦାୟିତ୍ୱ ପ୍ରଦାନ କରାଯାଇଛି । ସେଥିମଧ୍ୟରୁ ଅଲେଖ ଚନ୍ଦ୍ର ବିଶିଙ୍କୁ ଭଟାଙ୍ଗପଦର ଓ କାନକୁଟ୍ରୁ ପଞ୍ଚାୟତ, ମାଧବାନନ୍ଦ କରୁଆଁଙ୍କୁ ବାତେଲିମା, ମୋହନ ଚରଣ ହରିଜନଙ୍କୁ ବିଶ୍ୱନାଥପୁର ଓ ପୋଖରୀବନ୍ଧ, ଅମରସିଂ ପୁଝାରିଙ୍କୁ କମର୍ଦ୍ଧା ଓ ଗୋବର୍ଦ୍ଧନପୁର, ଯଦୁମଣି ନାଏକଙ୍କୁ ବେନଗାଁ ଓ ଲାଖବାହାଲି, ଡମ୍ବରୁଧର ସେନାପତିଙ୍କୁ ଲାଞ୍ଜିଗଡରୋଡ ପଞ୍ଚାୟତ, ମହାଦେବ ସୁନାନୀଙ୍କୁ ଲାଞ୍ଜିଗଡ ଓ ବସନ୍ତପଡା ପଞ୍ଚାୟତ, ଭୁବନେଶ୍ୱର ସିଂହଙ୍କୁ ଲାଞ୍ଜି ପଞ୍ଚାୟତ, ଭୀଷ୍ମ ମେହେରଙ୍କୁ ପାହାଡପଦର ଓ ମାଳିଯୁବାଙ୍ଗ ପଞ୍ଚାୟତ, ସାଧୁରାମ ସାହୁଙ୍କୁ କୁମଖାଲ, ଅରବିନ୍ଦ ବିଶ୍ୱାଳଙ୍କୁ ଗୁଣ୍ଡରୀ ଗ୍ରାମପଞ୍ଚାୟତର ଦାୟିତ୍ୱ ଦିଆଯାଇଛି । ସେହିପରି ପୂର୍ବରୁ ନିଯୁକ୍ତ ଅନାଦି ଜାନୀଙ୍କୁ ବନ୍ଧପାରି ଓ ବେଡାଗାଁ, ପ୍ରମୋଦ କୁମାର ସାହୁଙ୍କୁ ଚମ୍ପାଦେଇପୁର ଓ ଛତ୍ରପୁର, ରୂପାଧର ଧରୁଆଙ୍କୁ ଭୁର୍ଟିଗଡ ଓ କଦମ୍ବଗୁଡା ଗ୍ରାମପଞ୍ଚାୟତ ତଥା ତାପସ କୁମାର ସାହୁଙ୍କୁ ଜଗନ୍ନାଥପୁର, ବିଜେପୁର ଓ ତ୍ରିଲୋଚନପୁର ପଞ୍ଚାୟତରେ ଅବସ୍ଥାପିତ କରାଯାଇଛି । ଏନେଇ ଲାଞ୍ଜିଗଡ ବ୍ଲକ ପ୍ରଶାସନ ପକ୍ଷରୁ ବିଡିଓ ଜିତେନ୍ଦ୍ର କୁମାର ମିଶ୍ରଙ୍କ କାର୍ଯ୍ୟାଳୟରୁ ବିଜ୍ଞପ୍ତି ପ୍ରକାଶ ପାଇଛି । ତେବେ ଗତ କିଛି ବର୍ଷ ହେଲା ବ୍ଲକ ପ୍ରଶାସନର ତତ୍ପରତା ଯୋଗୁଁ ଲାଞ୍ଜିଗଡ ବ୍ଲକର ବିଭିନ୍ନ ପଞ୍ଚାୟତ ଅଞ୍ଚଳରେ ବିରାଟ ପରିବର୍ତ୍ତନର ଆଭାସ ମିଳିସାରିଛି । ବ୍ଲକ ପ୍ରଶାସନର ଉଦ୍ୟମରେ ପଞ୍ଚାୟତଗୁଡିକରେ ଅନେକ ଉଲ୍ଲେଖନୀୟ ପ୍ରଗତି ହାସଲ ହୋଇଥିବାବେଳେ ନବନିଯୁକ୍ତ ପଞ୍ଚାୟତ ନିର୍ବାହୀ ଅଧିକାରୀମାନେ ଏହି ଧାରାକୁ ଆଗକୁ ବଢାଇବା ସହିତ ଜନସାଧାରଣଙ୍କ ଆସ୍ଥାଭାଜନ ହେବେ ବୋଲି ବ୍ଲକ ଅଞ୍ଚଳବାସୀ ଆଶା ପ୍ରକାଶ କରିଛନ୍ତି ।
ଲାଞ୍ଜିଗଡ଼ ରୁ ସୁଶୀଲ କୁମାର ବାଗ ଙ୍କ ରିପୋର୍ଟ
