ନବରଙ୍ଗପୁର , ଚଳିତ ବର୍ଷ ମାଟ୍ରିକ ପରୀକ୍ଷାରେ କୃତିତ୍ଵ ହାସଲ କରିଥିବା ଛାତ୍ର ଛାତ୍ରୀଙ୍କୁ ଜିଲ୍ଲା ଶିକ୍ଷା ବିଭାଗ ପକ୍ଷରୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ସ୍ଥାନୀୟ ସାଇ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନବରଙ୍ଗପୁର ଜିଲ୍ଲାପାଳ ଡ କମଳ ଲୋଚନ ମିଶ୍ର ଯୋଗ ଦେଇଥିବାବେଳେ ସମ୍ମାନିତ ଅତିଥି ଏ ଡି ଏମ ଭାସ୍କର ରଇତ , ଜିଲ୍ଲା ପରିଷଦ ମୁଖ୍ୟ ନିର୍ବାହୀ ଅଧିକାରୀ ରତ୍ନାକର ସାହୁ , ଡି ଇ ଓ ପ୍ରଦୀପ କୁମାର ନାଗ, ବିଦ୍ୟାର୍ଥୀ କଲେଜ ର ଅଧ୍ୟକ୍ଷ ସତ୍ୟନାରାୟଣ ନାୟକ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ୧୦ ଗୋଟି ବ୍ଲକ ର ମାଧ୍ୟମିକ ଶିକ୍ଷା ପରିଷଦର ମୋଟ ୮୮ ଜଣ ଓ ସି ବି ଏସ ସି ବୋର୍ଡ ର ୪ ଜଣ ଛାତ୍ର ଛାତ୍ରୀଙ୍କୁ ମୁଖ୍ୟ ଅତିଥି ମାନପତ୍ର ଓ ମୁମେଣ୍ଟଓ ପ୍ରଦାନ କରି ସମର୍ଧନା କରିଥିଲେ । ଏହି ଅବସର ରେ ଜିଲ୍ଲାପାଳ ନିଜକୁ ନିଜର ଦୋଷ ଦୁର୍ବଳତା ଓ ତ୍ରୁଟିର ସମୀକ୍ଷା କଲେ ସଫଳତା ମିଳିବ ବୋଲି ଛାତ୍ର ଛାତ୍ରୀଙ୍କୁ ପରାମର୍ଶ ଦେଇଥିଲେ । ସେଭଳି ଚଳିତ ମାଟ୍ରିକ ପରୀକ୍ଷା ଫଳରେ ସଫଳତା ପାଇଥିବା ଛାତ୍ର ଛାତ୍ରୀଙ୍କୁ ଉଛାହିତ କରିବା ସହିତ ଶିକ୍ଷକ ଓ ଅଭିଭାବକଙ୍କ ଉଦ୍ୟମ କୁ ପ୍ରଶଂସା କରିଥିଲେ । ଏଥିରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ହଲଧର ନିଆଲଙ୍କ ସମେତ ଶିକ୍ଷାବିତ ବିଜୟ ଚୌଧରୀ, ଡ ବିଜୟ ମିଶ୍ର ଯୋଗ ଦେଇଥିଲେ ।
ନବରଙ୍ଗପୁର୍ ଜିଲ୍ଲାରୁ ରବିନାରାୟଣ ମହାନ୍ତି ଙ୍କ ମସୀହା ନିୟୁଜ।
