ଜଣାଣ

ମାନଗୋବିନ୍ଦ ସ୍ବାଇଁ

ଯାହା ଦେଖି ହୁଏ ସ୍ପର୍ଶ ବାରି ହୁଏ

   ସେ ଅଦୃଶ୍ୟ ମାହା ଶକ୍ତି

ତାଙ୍କ ପାଦ ତଳେ ଶରଣ ପଶୁଛି

   ବିପଦରୁ କର ମୁକ୍ତି।

ତୁମେ ତ କହିଲ ଆଗକୁ ମୁଁ ଯିବି

    ନକହିଲେ ଯିବି ବସି

ତୁମ୍ଭକୁ ବାଧିବ ଅପନିନ୍ଦା ହବ

 ଶେଷରେ ହୋଇବ ଦୋଷୀ।

ଗରୀବ ଆସୁଛି ତୁମ୍ଭରି ଦ୍ବାରକୁ

    କିଛି ପାଇବାର ଆଶା

ନିରାଶ କରିବ ନାହିଁ ଏ ଜୀବନ 

    ପ୍ରଭୁ ମୋର ଏ ପ୍ରସଂଶା।

ତୋର ଦାଣ୍ଡ ବାଲି ମଥାରେ ମାଇଲି

    ଏଇ ମୋ ଚନ୍ଦନ ଗାର

ବହୁ ଆଶା ଧରି ତୋ ପାଖ ଯାଉଛି

     ଗରୁଡ଼ ସ୍ତମ୍ଭେ ଜୁହାର।

ତୂଳସୀ ପାଦୁକା ପାଇଗଲେ ତୁଣ୍ଡେ

       ସିଂହ ଦ୍ବାର ବଡ଼ ଭିଡ

ଚାବୁକ ପ୍ରହାର ବାଜିଗଲେ ଥରେ

   ପାପ ସବୁ ହୁଏ ଛାଡ଼।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା