ଜୟ ଶ୍ରୀ ଜଗନ୍ନାଥ ମହାପ୍ରଭୁ
(ଗୀତି କବିତା)
‘ଦ’ଅନୁପ୍ରାସ କ୍ରମରେ
କବି ସୌରଭ ବୈଜୟନ୍ତୀ ମାଳା ମହାପାତ୍ର
ଦୀନବନ୍ଧୁ ଘେନ ସକାଳ ଜଣାଣ
ଦୀନ ଦୁଃଖି ଜଣାଉଛି,
ଦିନ ଯାଉ ବିତି ସୁଖରେ ସୁଖରେ
ଦିନମଣି ନାମ ଚିନ୍ତି……(୦)
ଦୁଃଖ ନାଶନ ହେ ଆରତ ଭଞ୍ଜନ
ଦେଖିବ ନୟନ ମେଲି
ଦାଗା ଦେବ ନାହିଁ ହେ ବ୍ରହ୍ମାଣ୍ଡ ସାଇଁ
ଦୋଷ ମୁଁ କରିଛି ବୋଲି
ଦମ୍ଭରେ ଭଜଇ ଚରଣ ନମଇ
ଦକା ଦୂରେଇ ଶ୍ରୀପତି…..(୧)
ଦହୁଛି ଦୁର୍ଗତି କମଳାଙ୍କ ପତି
ଦଗଧି ହୁଏ ଅନ୍ତର
ଦମ୍ଭିଲା ପଣରେ ଦୟାଳୁ ପାଖରେ
ଦୁଃଖ ଜଣାଏ ସତ୍ୱର
ଦରଦୀ ଠାକୁର ନ କରିବ ପର
ଦରବିବ ଶୁଣି ସ୍ତୁତି……(୨)
ଫୁଲବାଣୀ, କନ୍ଧମାଳ
