ବୋଲବମ୍ 

           

କବିତା ସାହୁ    

ସକଳ ମନକାମନା ପୁରଣ ପାଇଁ 

ଶିବଙ୍କ ପାଦରେ ଶରଣ ଯାଇ 

ଶ୍ରାବଣ ସୋମବାର ପାଣି ନେଇ 

ବୋଲବମ ବୋଲବମ କହି କହି 

ଶିବ ମନ୍ଦିର ଯିବାରେ ଭାଇ। 

ଶିବ ପଞ୍ଚାକ୍ଷର ମନ୍ତ୍ର ତୁଣ୍ଡରେ ଧରି 

କାଉଡିଆ ଯାଉଛନ୍ତି ଜଳକୁ ଧରି

ବୋଲବମ ବୋଲବମ ତୁଣ୍ଡେ ଉଚ୍ଚାରି

ମୁଖରିତ ରାସ୍ତାଘାଟ ମନ୍ଦିର ପୁରି। 

ପବିତ୍ର ମାସ ଶ୍ରାବଣ ସୋମବାର 

ଜଳଲାଗି ହୁଅନ୍ତି ଶିବଶଙ୍କର 

ଭକ୍ତ ମାସ ସାରା ରହି ନିଷ୍ଠାରେ

କାନ୍ଧରେ କାଉଡି ଭାରେ ଜଳଧରେ 

ବୋଲବମ ବୋଲବମ ଉଚ୍ଚାରି ତୁଣ୍ଡରେ 

ଶିବାଳୟ ଯାଉଥାନ୍ତି ଭକତ ଖୁସିରେ।

ଗେରୁଆ ବସ୍ତ୍ରରେ ଲେଖା ଶିବ ପଞ୍ଚାକ୍ଷର 

ବାହୁଙ୍ଗିରେ ଶିବଲିଙ୍ଗ ତ୍ରିଶୂଳ ଡମ୍ବର

ବେଲପତ୍ର ଗୟସ ଦୁଦୁରା କନିଅର 

ମନରେ ଡାକୁଥାଏ ହେ ଭୋଳାଶଙ୍କର 

ବୋଲବମ ବୋଲବମ ବାବା ପାରିକର। 

କପିଳାସ ଲିଙ୍ଗରାଜ ହେ ଧବଳେଶ୍ଵର 

ଲଡୁବାବା ଗତେଶ୍ଵର ହେ ଚନ୍ଦ୍ରଶେଖର 

କୃପାକର ଦୟାକର ହେ ମହେଶ୍ୱର 

ବୋଲବମ ବୋଲବମ ଭକ୍ତଙ୍କର ରୋଳ

ପାଣି ଧରି ଆସୁଛନ୍ତି ମନ୍ଦିର ତୁମର।

ଜୟପୁର