କାଉଡିବାଲା
ଶ୍ଯାମା ପ୍ରସାଦ୍ ବୋଷ୍
କାଉଡି ବାଲାଙ୍କ କାନ୍ଧରେ କାଉଡି
ତୁଣ୍ଡେ ପଞ୍ଚାକ୍ଷରୀ ନାମ
ଜଳାଭିଷେକ ଟି କରିବା ପାଇଁ କି
ଚାଲନ୍ତି ଶିବଙ୍କ ଧାମ ।
ବୋଲବୋମ୍ ଡାକେ ପଥ କ୍ଳାନ୍ତି ମିଣ୍ଟେ
ଲାଘବ ହୁଅଇ ଶ୍ରମ
ପଥ ପ୍ରାନ୍ତ ସତେ ଶିବାଳୟ ପରି
ସୃଷ୍ଟି କରୁଥାଏ ଭ୍ରମ ।
କାଉଡିଆ ଭାଇ ଶିବ ନାମ ଧ୍ଯାଇ
ଚାଲରେ ଆଗକୁ ମାଡି
ଯେତେ କଷ୍ଟ ହେଉ ମନେ ଭକ୍ତି ଥିଲେ
ପ୍ରଭୁ ନେଇଯିବେ ଭିଡି ।
ଭକତିରେ ଜପ ଓଁ ନମଃ ଶିବାୟ
ଶିବ କୃପା ଝରିଯିବ
ଅସାଧ୍ୟ୍ଯ ପଥବି ଅତିକ୍ରମି ଯିବ
ପ୍ରଭୁଙ୍କ ସୁଦୟା ଥିବ ।
କାଉଡିଆ ବାଲା କାଉଡିଆ ବାଲା
କାଉଡି କାନ୍ଧେଇ ଯାଅ
ଶିବ ଲିଙ୍ଗ ପରେ ଜଳ ଅଭିଷେକେ
ହୃଦେ ଧ୍ଯାନ ରଖି ଥାଅ ।
ଶ୍ଯାମା ପ୍ରସାଦ୍ ବୋଷ୍
ବେଗୁନିଁଆ , ମଲ୍ଲୀକ୍ ସାହି
ଗୋପ୍ , ପୁରୀ
