ଦେବ ଦେବ ମହାଦେବ

          ଦୀପକ କୁମାର ବଳ

ପୁଣ୍ୟ ମାସ ଶ୍ରାବଣର

ଦ୍ୱିତୀୟ ଯେ ସୋମବାର

ଯାଆନ୍ତି ସେ କାଉଡିଆ

କାନ୍ଧେ ବୋହି ପାଣିଭାର ll

ପିନ୍ଧି ଗେରୁଆ ବସନ

ତୁଣ୍ଡେ ନାମ ପଞ୍ଚାକ୍ଷର

ଢାଳିବେତ ଜଳ ନେଇ

ପ୍ରଭୁ ତୁମରି ମଥାର ll

ଶ୍ରାବଣ ର ବରଷାକୁ

ନାହିଁ ତିଳେହେଁ ଖାତର

ଖାଲି ପାଦେ ଚାଲି ଚାଲି

ଯାଆନ୍ତି ଶିବ ମନ୍ଦିର ll

ପଥଶ୍ରମ ଭୁଲି ଯାନ୍ତି

ପହଞ୍ଚି ତୁମ ମନ୍ଦିର

ମନବାଞ୍ଛା ପୁର୍ଣ୍ଣ କର

ହେ ପ୍ରଭୁ ଚନ୍ଦ୍ରଶେଖର ll

ତୁମ ନାମ ଜପିଗଲେ

ବରଷ ଆଶିଷ ଧାରା

ଜନ୍ମ ଜନ୍ମାନ୍ତର ପାପ

ପ୍ରଭୁ ଧୋଇଯାଏ ପରା ll

ବାବା ଭୋଳାନାଥ ତୁମେ

କରିବ ରିଷ୍ଟ ଖଣ୍ଡନ

ଅଭୟ ବର ଦେଇଣ

ନିଶ୍ଚେ କରିବ କଲ୍ୟାଣ ll

କୃପାମୟ ତୁମେ ପ୍ରଭୁ

ଦେବ ଦେବ ମହାଦେବ

ସଭିଁଙ୍କୁ ସନ୍ତାନ ଭାବି

ତ୍ରିନେତ୍ରରେ ଦେଖୁଥିବ ll

ଓଁ ନମଃ ଶିବାୟ

ମାର୍କାପାଲ୍ଲୀ କଲୋନୀ, ମାର୍କାପାଲ୍ଲୀ

             ମାଲକାନଗିରି