ବୋଲ ବମ୍

  ଶ୍ରାବଣ ମାସର ଚାରି ସୋମବାର

      ଶୈବପୀଠେ ଗହଳ ଭକ୍ତଙ୍କର

କାଉଡ଼ିଆ ମାନେ ଜଳଭାର ନେଇ

       ଢାଳିବେ ଶିବ ମସ୍ତକ ଉପର ।

କାଉଡିଆ ମାନେ ବହୁ ପଥ ଯାଆନ୍ତି

      ଖାଲି ପାଦେ ଚାଲି ଚାଲି

ମନେ ଶିବ ମନ୍ତ୍ର ବୋଲବମ୍ କହି

       ନିଜ ସୁଖ ସ୍ବାର୍ଥକୁ ଭୁଲି ।

ଶଙ୍କରଙ୍କ ଦୟା ରହିଥିଲେ ସଦା

       ବାଧା ବିଘ୍ନ ଦୂର ହୁଏ

ଭକତି ଭାବରେ ଶିବଙ୍କୁ ପୂଜିଲେ

       ମନକାମନା ପୂର୍ଣ୍ଣ ହୁଏ ।

କାଉଡ଼ିଆ ମାନେ କାନ୍ଧେ ଭାର ନେଇ

      ଯାଆନ୍ତି ବହୁ ପଥ ଦୂର

ଭୋକ ଲାଗେ ନାହିଁ ଶିବଙ୍କ ଆଶିଷେ

        ସକଳ ଦୁଃଖ ହରିଥାନ୍ତି ଶଙ୍କର ।

ସତ୍ୟ ଶିବ ସୁନ୍ଦର ପ୍ରଭୁ ତ୍ରିଲୋଚନ

      ସକଳ ଦୁର୍ଗତି ହରିଥାନ୍ତି ନିରନ୍ତର

ଭକ୍ତଙ୍କ ପାଶେ ସଦା ତାଙ୍କ ବେଭାର

        ପ୍ରଭୁଙ୍କ କରୁଣା ଅସୀମ ଅପାର ।

ଶ୍ରୀନିବାସ ପଣ୍ଡା,

ଗଞ୍ଜାମ