ପାପଡାହାଣ୍ଡି,3/8, ମନିସ –— ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଦଳେଇଗୁଡା ଏସଏସଡି ବାଳିକା ଉଚ୍ଚ ବିଦ୍ୟାଳୟର 14 ଜଣ ଛାତ୍ରୀ ବୁଧବାର ଅସୁସ୍ଥ ହୋଇ ପାପଡାହାଣ୍ଡି ମେଡିକାଲରେ ଭର୍ତି ହୋଇଛନ୍ତି | ସେମାନଙ୍କ ମଧ୍ୟରୁ 12 ଜଣଙ୍କୁ ଥଣ୍ଡା ଖାସ ଓ ଜ୍ୱର ହୋଇଥିବା ବେଳେ 2 ଜଣ ଝାଡା ବାନ୍ତିରେ ଆକ୍ରାନ୍ତ ହୋଇଛନ୍ତି | ଛାତ୍ରୀ ମାନେ ନବମ ଓ ଦଶମ ଶ୍ରେଣୀର ବୋଲି ଜଣା ପଡିଛି | ସୂଚନା ମୁତାବକ ଦଳେଇଗୁଡା ବାଳିକା ଉଚ୍ଚ ବିଦ୍ୟାଳୟର ଛାତ୍ରୀ ମାନଙ୍କୁ ମଙ୍ଗଳବାର କ୍ଲାସ ସାରିବା ପରେ ଥଣ୍ଡା ଖାସ ସହ ଜ୍ୱର ଦେଖାଦେଇଥିଲା | ସେମାନେ ହେଲେ ପୁଷ୍ପା ମାଝୀ, ନିଁଳେନ୍ଦ୍ରି ମାଝୀ, ଗୋମତି ଭତରା, ଭଗବତି ସାନ୍ତା, ଭଗବତି ଭତରା, ରୁପାଲି ହରିଜନ, ଚନ୍ଦ୍ରକାନ୍ତି ଭତରା, ମଞ୍ଜୁଳା ବତୀ ଭତରା, ହୀରାମଣି ପୁଜାରି, ମଙ୍ଗରି ମାଝୀ ଓ ଲଳିତା ମାଝୀ | ସେହିପରି ରିତା ଭତରା ଓ ରିତା ହରିଜନଙ୍କୁ ଝାଡାବାନ୍ତି ହୋଇଥିଲା | ଉଭୟ ଗୁରୁତର ଥିବା ବେଳେ ରିତା ଭତରାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯିବ ବୋଲି ସୂଚନା ମିଳିଛି | ଦୁଇ ଦିନ ତଳେ ମେଡିକାଲ ଟିମ ଯାଇ ସ୍କୁଲ ଛାତ୍ରୀଙ୍କ ସ୍ୱାସ୍ଥ୍ୟବସ୍ଥା ପରୀକ୍ଷା କରିଥିଲେ | ଝାଡା ବାନ୍ତିର କାରଣ ଜଣା ପଡ଼ିନାହିଁ | ଥଣ୍ଡା ଖାସ ରେ ଆକ୍ରାନ୍ତ 12ଜଣ ଛାତ୍ରୀ ଙ୍କୁ ପ୍ରାଥମିକ ଚିକିତ୍ସା ପରେ ଔଷଧ ଦେଇ ବିଦ୍ୟାଳୟକୁ ପଠାଯାଇଛି | ଛାତ୍ରୀ ମାନଙ୍କ ପରିବାର କୁ ସୂଚନା ଦିଆଯାଇଥିବା ଜଣାପଡିଛି |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ