ପାପଡାହାଣ୍ଡି,10/10, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଶିରିଶି ପଂଚାୟତ ସୋରିଷ ପଦର ଠାରେ ଝାଡା ବାନ୍ତି ବ୍ୟାପି ସୋମବାର ଜଣକର ମୃତ୍ୟୁ ହୋଇଥିବା ବେଳେ 3 ଜଣ ଆକ୍ରାନ୍ତ ହୋଇଛନ୍ତି | ମୃତକ ହେଲେ ତୁଳାବତୀ ଭତରା | ତାଙ୍କ ସ୍ୱାମୀ ଟଙ୍କଧର ଭତରା ରବିବାର ଆକ୍ରାନ୍ତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି ହୋଇଛନ୍ତି | ଗ୍ରାମରେ ଧନ୍ୟା ଭତରା ଓ ପୁଷ୍ପଲତା ଭତରା ଆକ୍ରାନ୍ତ ହୋଇ ଘରେ ଚିକିତ୍ସା ଜାରିରହିଛି | 
ଖବରପାଇ ଗ୍ରାମରେ ଏକ ଡାକ୍ତରୀ ଦଳ ପହଁଚି ଲୋକଙ୍କୁ ସଚେତନତା କରାଉଛନ୍ତି | ସୂଚନା ମୁତାବକ ତୁଳାବତୀ ଙ୍କୁ ପାହାନ୍ତିଆ ସମୟରେ ଦୁଇ ଥର ଝାଡା ହେବାରୁ ସେ ବାହାରକୁ ଯାଇଥିଲେ | ପରେ ଶେଜରେ ଝାଡା ହୋଇ ସେ ଉଠି ପାରିନଥିଲେ | ସଂଗେ ସଂଗେ ଆମ୍ବୁଲାନ୍ସ କୁ ଖବର ଦିଆଯାଇଥିଲା କିନ୍ତୁ ଆମ୍ବୁଲାନ୍ସ ବିଳମ୍ବରେ ପହଂଚି ଥିଲା | ଯଦ୍ୱାରା ତୁଳାବତୀଙ୍କ ମୃତ୍ୟୁ ହୋଇଯାଇଥଲା | ଡାକ୍ତରୀ ଦଲ ଗ୍ରାମର ପାଣିର ନମୁନା ପରୀକ୍ଷା ଲାଗି ପଠାଇଛନ୍ତି | ଝାଡା ବାନ୍ତି ବ୍ୟାପିବାର କାରଣ ଜଣା ପଡ଼ିନାହିଁ |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
