ଶ୍ରାବଣ
ପ୍ରତିମା ଶତପଥି
ଶ୍ରାବଣ ଆସିଛି ବରଷା ହସୁଛି
ହସୁଛି ପୃଥିବୀ ମାତା
ପ୍ରଚଣ୍ଡ ଖରାରେ ଶୁଖି ଯାଉଥିଲେ
ତା କୋଳରେ ବୃକ୍ଷ ଲତା.
ଶ୍ରାବଣ ରେ ଭିଜି ବରଷା ପାଣିରେ
ଜୀବନ ପାଇଲେ ସବୁ
ଧାରା ଶ୍ରାବଣରେ ନଦୀ,ଓ ପୋଖରୀ
ହୋଇଯାଏ ଉବୁଟୁବୁ.
ଚାତକ ର ତୃଷା ନିବାରଣ ହୁଏ
ଆନନ୍ଦେ କେକୀ ନାଚଇ
ସାରୁ ବୁଦା ମୂଳେ ବେଙ୍ଗୁଲି ରାଣୀ ଯେ
ହରଷେ ଗୀତ ବୋଲଇ.
ନାଲି ଟୁକୁ ଟୁକୁ ସାଧବ ବୋହୂଟି
ଘାସର ଗାଲିଚା ପରେ
ପାଟ ଓଢଣୀଟି ମୁଣ୍ଡରେ ଦେଇଣ
ଧୀର ଗତିରେ ଯେ ଚଳେ.
ଶ୍ରାବଣ ମାସରେ କାଉଡିଆ ଭାଇ
ସୋମ ବାର ଦିନ ଜଳ
ମାନସିକ କରି ଶିବଙ୍କ ମସ୍ତକେ
ଢାଳନ୍ତି ନେଇ ସକଳ.
ରକ୍ଷା ବନ୍ଧନ ରେ ପ୍ରଭୁ ବଳରାମ
ହୋଇଣ ଥିଲେ ଜନମ
ଭାଇର ହାତରେ ରାକ୍ଷୀ ବାନ୍ଧି
ଭଗ୍ନୀ ସୁମରେ ତାଙ୍କ ମଙ୍ଗଳ.
ପ୍ରତିମା ଶତପଥି
ଜିଲ୍ଲା ଯାଜପୁର