ଚିଲିଗୁଡା,୯/୮(ମ ନି ସ) କଳାହାଣ୍ଡି ଜିଲ୍ଲା ଜୁନାଗଡ଼ ଅଞ୍ଚଳରେ ଲଗାଣ ବର୍ଷା ଜାରି ରହିଛି l ହେଲେ ଆଜି ସନ୍ଧ୍ୟାରେ ବାଲି ଉଠାଇବାକୁ ଚାରି ଜଣ ଡ୍ରାଇଭର ଟ୍ରାକ୍ଟର ଧରି ହାତିନଦି ର ମାଟି ଗାଁ ଘାଟ କୁ ଯାଇଥିଲେ l ବାଲି ଉଠାଇବାପାଇଁ କାର୍ଯ୍ୟରେ ନିୟୋଜିତ ଥିବା ସମୟରେ ହଠାତ୍ ନଦୀ ଉପରେ ପ୍ରବଳ ସ୍ରୋତରେ ପାଣି ମାଡି ଆସିଥିଲା l କୌଶଳ କ୍ରମେ,ଚାରି ଜଣ ଟ୍ରାକ୍ଟର ର ଉପରିଭାଗ ଛତା ଉପରେ ଚଢ଼ି ଆଶ୍ରୟ ନେଲେ l ପରେ ଏହା ଲୋକେ ଜାଣିବାକୁ ପାଇଥିଲେ l ଡ଼୍ରାଇଭର ସଂଘ ଜାଣିପାରି ଜୁନାଗଡ଼ ଅଗ୍ନିଶମ ବିଭାଗ କର୍ମଚାରୀ ଙ୍କୁ ଖବର ଦେଇଥିଲେ l ତୁରନ୍ତ କର୍ମଚାରୀ ମାନେ ପ୍ରାୟ ୩ କିଲୋମିଟର ଚାଲି ଚାଲି ଘଟଣା ସ୍ଥଳକୁ ଯାଇଥିଲେ ,ସେଠାରେ ଗାଡିଯିବପାଇ ରାସ୍ତା ନଥିଲା l ଦୀର୍ଘ ସମୟର ପ୍ରଚେଷ୍ଟା ପରେ ଫସିଥିବା ଡ଼୍ରାଇଭରଙ୍କୁ ଉଦ୍ଧାର କରାଗଲା। ଉଦ୍ଧାର ହୋଇଥିବା ବ୍ୟକ୍ତି ହେଲେ ଗୁଞ୍ଜୁଗୁଡାର ଉପେନ୍ଦ୍ର ପଟେଲ,ସୁଶାନ୍ତ ପଟେଲ, ନର୍ଲାର ବିଶ୍ଵନାଥ ଗଉଡ,କ।କ୍ରିମାଲ ର ଖଗେଶ୍ବର ମାଝୀ ଗ୍ରାମ ବୋଲି ଜଣାପଡିଛି।ଏହି ଉଦ୍ଧାର କାର୍ଯ୍ୟରେ ଥିବା କର୍ମଚାରୀ ହେଲେ ଷ୍ଟେସନ ଅଫିସର ଅପୂର୍ବ ରଞ୍ଜନ ସାହୁ, ଏ ଲ ଏ ଫାଏମ୍,ଶିବରାମ ବିଶ୍ଵାଳ,ଫାୟତ୍ୟାନ ରମେଶ ଚନ୍ଦ୍ର ବେହେରା,ଜଗନ୍ନାଥ ପଟେଲ,ରାଜକୁମାର ମାଝୀ, ମନୋଜ କୁମାର ବିଶ୍ବାଳ, ଡ୍ରାଇଭର ହାବିଲଦାର ଯେ କାଣ୍ଡ ପ୍ରମୁଖ ନିୟୋଜିତ ରହି ସୁରକ୍ଷତ ସହ ଉଦ୍ଧାର କରିଥିଲେ। ଯୁଦ୍ଧକାଳୀନ ଭିତ୍ତିରେ ଉଦ୍ଧାର କରି ଜୀବନ ବଞ୍ଚାଇଥିନରୁ ଅଞ୍ଚଳରେ ପ୍ରଶଂସା କରାଯାଇଛି l ଅପରପକ୍ଷେ ,କିପରି ଏଭଳି ବିପଦ ସମୟରେ କାହିଁକି ବାଲୀ ଉଠାଇବାକୁ ଗଲେ ଏବଂ ଏହା ଲିଜ ଅଞ୍ଚଳ କି ନୁହଁ ନା ଚୋରାରେ ଖନନ କରାଯାଇଛି, ବିଭାଗୀୟ ଅଧିକାରୀଙ୍କ ଜ୍ଞାତ ରେ ଅଛିକିନା ଏଭଳି ବିଭିନ୍ନ ପ୍ରଶ୍ନ ସୃଷ୍ଠି ହେଉଛି l ଏହାର ତଦନ୍ତ ଦାବି ହେଉଛି l
ଚିଲିଗୁଡା ରୁ ସୁନ୍ଦର ମୋହନ ଛତ୍ରିଆ ଙ୍କ ରିପୋର୍ଟ
