ରକ୍ଷାବନ୍ଧନ
ଶ୍ରାବଣ ପୂର୍ଣ୍ଣିମା ପବିତ୍ର ତିଥିରେ
ପାଳିତ ରକ୍ଷା ବନ୍ଧନ
ଭାଇ ଭଗିନୀଙ୍କ ଅତୁଟ ବନ୍ଧନ
ଚିର କାଳ ଅମଳିନ l
ଶାଶ୍ଵତ ପ୍ରେମର ପୂତନୀରା ଗଙ୍ଗା
ସୂତାଖିଅ ଟିଏ ସାକ୍ଷୀ
ଭଗିନୀର ସୁଖ ସୁରକ୍ଷା ସମ୍ମାନେ
ଭାଇହସ୍ତେ ବନ୍ଧା ରାକ୍ଷୀ l
ଚନ୍ଦନ ସିନ୍ଦୂର ଅକ୍ଷତ ଦୀପରେ
ଭଗିନୀ ବନ୍ଦାଣ କରି
ବାନ୍ଧିଥାଏ ରାକ୍ଷୀ ଭ୍ରାତା ହସ୍ତେ ନେଇ
ଜୀବନେ ସୁରକ୍ଷା ପାଇଁ l
ମହାଭାରତରେ କୃଷ୍ଣଙ୍କ ହସ୍ତରେ
କୃଷ୍ଣl ରାକ୍ଷୀ ବାନ୍ଧିଥିଲେ
କୁରୁସଭାତଳେ ବିବାସନା କାଳେ
କହ୍ନେଇ ମାନ ରଖିଲେ l
ଯେତେ ଝଡ ଝଞ୍ଜା ଘାତ ପ୍ରତିଘାତ
ଜୀବନ ପଥେ ଆସଇ
ସେନେହ ଶରଧା ସମ୍ପର୍କର ଡୋର
ଶିଥିଳ କେବେ ନୁହଁଇ l
ଦୂରେ ବହୁଦୂରେ ରହି ଵି ଭଗିନୀ
ରାକ୍ଷୀ ପୂର୍ଣ୍ଣିମା ଦିବସେ
ଭାଇର ମଙ୍ଗଳ ମନାସି ହୃଦୟେ
ଗୁହାରେ ଦେବଙ୍କ ପାଶେ l
ପୁରାଣ ଯୁଗରୁ ଆଧୁନିକ ଯୁଗେ
ରାକ୍ଷୀର ସ୍ୱତନ୍ତ୍ର ସ୍ଥାନ
ସଂସ୍କୃତି ସମୃଦ୍ଧ ଦେଶର ଐତିହ୍ୟ
ସୁସ୍ଥ ସମାଜ ଗଠନ l
ନର୍ମଦା ନାୟକ
ରାଉରକେଲା