ଜଣାଣ
ମାନଗୋବିନ୍ଦ ସ୍ବାଇଁ
ତୋ ନାମ ଧରିଛି ଏଇ ବଡ଼ଦାଣ୍ଡ
ବସି ଜଗି ବଡ଼ଦାଣ୍ଡ
ଭଜନ ଜଣାଣ ଜପରେ କୀର୍ତ୍ତନ
କରୁଛି ଏଇ ମୋ ତୁଣ୍ଡ।
ସନ୍ଧ୍ୟାର ବେଳାରେ ସାଗର କୂଳରେ
ଥଣ୍ଡା ପବନ ସଂଗୀତ
ବହୁତ ଭକତ ଏକ ଛୁଟି ହୁଏ
ମିଳନ ମିଳେ ଅମୃତ।
ଆନନ୍ଦ ବଜାର ପସରା ପଡ଼ିଛି
ଭକତ ଆସଇ ଭଳି
ତୋ ରୂପ ପସନ୍ଦ ବଜାର କରନ୍ତି
କିଣା ବିକା ହୋଇ ମେଳି।
ଅନ୍ତରେ କିଏ ସେ ଭଜନ କରୁଛି
କିଏ ତୁମେ କଥା ଭାବି
ନୀରବ ରହିକି ଚିନ୍ତନ କରୁଛି
ଭକ୍ତିରେ ଆସୁଛି ଛବି।
ଦାରୁର ଦେବତା ବିଶ୍ବର କରତା
ସବୁରି ଖବର ହାତେ
ବିଶ୍ବ ବ୍ରହ୍ମାଣ୍ଡକୁ ଶାନ୍ତିର ପ୍ରଦାନ
ଆହେ ପ୍ରଭୁ ଜଗନ୍ନାଥେ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା