ମୟୂରଭଞ୍ଜ – ୧୩/୮/୨୨(ମସିହା) ମୟୂରଭଂଜ ଜିଲ୍ଲାର ରାଇରଙ୍ଗପୁର ସିଭିଲ କୋର୍ଟ ପରିସରରେ ରାଷ୍ଟ୍ରୀୟ ଲୋକ ଅଦାଲତ ଅତିରିକ୍ତ ଜିଲ୍ଲା ଓ ଦୌରାଜଜ ଦୀପକ କୁମାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ।ତାଙ୍କ ସହିତ ସଵଜଜ୍ ଶ୍ରୁତିସ୍ନିଗ୍ଧା ଦାସ,ଏସଡିଜିଏମ ଜରିନେ ଖାନ ଏବଂ ଜେଏମଏଫସି ମୋନିକା ଆଚାର୍ଯ୍ୟ ପ୍ରମୁଖ ଶୁଣାଣିରେ ସାମିଲ ହୋଇଥିଲେ ।ଏଡିଜେ କୋର୍ଟରେ ଏମଏସିଟି ୧୧ ଟି ପଂଜିକୃତ ମାମଲାର ଶୁଣାଣି ହୋଇ ୨ ଟି ମାମଲା ଫଇସଲା କରାଯାଇ ୧୧ ଲକ୍ଷ ଟଙ୍କା ଆଦାୟ କରାଯାଇଛି । ସେହିଭଳି ସବଜଜ୍ କୋର୍ଟରେ ଅର୍ଥନୈତିକ ମାମଲାରେ୪୫ ଟି ରୁ ୧ଟି ଫଇସଲା କରାଯାଇ ୯,୨୦,୯୭୭ ଟଙ୍କା ଆଦାୟ କରାଯାଇଥିବାବେଳେ ବିବାହ ଜନିତ ୩ଟି ମାମଲାରୁ ୧ଟି ଫଇସଲା କରାଯାଇଛି ।ସିଭିଲ କେଶରେ ୬ଟି ମାମଲାରୁ ୧ଟି ଫଇସଲା କରାଯାଇଥିଲା । ସେହିଭଳି ଏସଡିଜିଏମ କୋର୍ଟରେ ୩୮ ଟି ପଂଜିକୃତ ମାମଲାରୁ ୧ଟି ଫଇସଲା କରାଯାଇଛି । ସମୁଦାୟ ୧୦୯ ଟି ପଂଜିକୃତ ମାମଲାରୁ ୮ଟି ମାମଲା ଫଇସଲା କରାଯାଇ କୋଡ଼ିଏ ଲକ୍ଷ କୋଡିଏ ହଜାର ନଅଶହଶତସ୍ତରୀ (୨୦,୨୦,୯୭୭) ଟଙ୍କା ଜୋରିମାନା ଆଦାୟ କରାଯାଇଛି।କାର୍ଯ୍ୟକ୍ରମରେ କୋର୍ଟର କର୍ମଚାରୀ ଲକ୍ଷ୍ମଣ ମାର୍ଣ୍ଡୀଙ୍କ ସମେତ ସମସ୍ତ କର୍ମଚାରୀ ପରିଚାଳନାରେ ସହଯୋଗ କରିଥିଲେ ।
ମୟୂରଭଞ୍ଜ ରୁ ଅକ୍ଷୟ କୁମାର ବିଶ୍ଵାଳଙ୍କ ରିପୋର୍ଟ ।
