ଜଣାଣ

ମାନଗୋବିନ୍ଦ ସ୍ବାଇଁ

ମୋ ଶରୀର ଜଳେ ଯାଉ ପୁରା ଭାସି

    ଜଗତ ଉଦ୍ଧାର ହେଉ

ବନ୍ୟାରେ ପ୍ଲାବିତ ଅଞ୍ଚଳ ଜନତା

   ସାହା ହୁଅ ମହାବାହୁ।

ବିପଦର ବନ୍ଧୁ ବିପଦୁ ଉଦ୍ଧାର

    ଜନ ରକ୍ଷା କୃପା ସିନ୍ଧୁ

ଚାହିଁ ଦିଅ ଥରେ ବିପଦ ଘୁଞ୍ଚିବ

    ତୁମେ ପରା ଦୟା ବିନ୍ଦୁ।

ଆସୁ ଯେତେ ରୀପୁ ସବୁ ତଡ଼ି ଦିଅ

     ଜନ ମୁଖେ ଦିଅ ହସ

ଶାନ୍ତିର ପଥିକ ତୁମେ ଯେ ଅଟଇ

       ଖୁସିରେ କର ପ୍ରକାଶ।

ମନର ଯନ୍ତ୍ରଣା ବୁଝି ପାର ପ୍ରଭୁ

    ମୁଖରୁ ବୁଝୁଛ ନିତି

ଗୁପତେ କହୁଛ ଧର୍ଯ୍ୟ ଧରି ରୁହ

     ପାଇବ ଜୀବନ ପ୍ରୀତି।

ଅନେକ ଦୂରରୁ ଯାଉଛି ପାଖକୁ

      ଦିଅ ଥରେ ଦରଶନ

ବହୁ ଆଶା ଧରି କହିବି ମୋ କଥା

       ମୋ ଦୁଃଖ କର ନାଶନ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା