ଅନ୍ଵେଷଣ

ନଳିନୀ ପ୍ରଭା ମିଶ୍ର

ନିଦ ଖୋଜୁଥାଏ ସ୍ଵପ୍ନ ରାଇଜକୁ

  ମନ ଲୋଡୁଥାଏ ମନ

କାମନା ବହ୍ନି ର ପ୍ରଜ୍ବଳିତ ଜ୍ଜାଳା

  ଦେହ କରେ ଅନ୍ବେଷଣ।

ଫୁଲ ଖୋଜୁଥାଏ ଭ୍ରମର ପରଶ

  ଚକୋର ଚନ୍ଦ୍ରମା ରାତି

ତୃଷିତ ଚାତକ ଜୀମୂତ କୁ ଖୋଜେ

   ଯ ଉବନ ପାଇଁ ପ୍ରୀତି।

ତଟିନୀ ଖୋଜ ଇ ଅଗ୍ରସର ପଥ

  ସିନ୍ଧୁ ର ମିଳନ ପାଇଁ 

ଲମ୍ଫଟ ଖୋଜ ଇ ସୁବର୍ଣ୍ଣ ସୁଯୋଗ

   ପରକୀୟା ପ୍ରେମ ନେଇ।

କବିତା ଖୋଜ ଇ ଉଚିତ ସ୍ଥାନଟେ

   ନିଜ ପରକାଶ ଲାଗି

ଦେଶ ସେବା ପଥେ ଦେଶ ପ୍ରେମ

   ଭାବ ଉଠିଥାଏ ସଦା ଜାଗି।

ଲତା ର ଆଶ୍ରୟ ମହାନ୍ ଶାଖାଟେ

  ଗବେଷକ ଅନ୍ବେଷଣ

ପରୀକ୍ଷା ନିରୀକ୍ଷା ତୀକ୍ଷ୍ଣ ବୁଦ୍ଧି ବଳେ

  ବୈଜ୍ଞାନିକ ଦୃଷ୍ଟି କୋଣ।

ସମୁଦ୍ର ଗର୍ଭରେ ରତ୍ନ ଅନ୍ବେଷଣ

  ଜଳ ପଥ ଆବିଷ୍କାର

ପ୍ରତ୍ନତତ୍ତ୍ଵ କାରୀ ମୃତ୍ତିକା ଖନନେ 

  କରେ ଅତୀତ ଉଦ୍ଧାର।

କର୍ମ ର ଉଦ୍ୟୋଗୀ ଖୋଜେ କର୍ମ

  ସ୍ଥଳ କର୍ମରେ ନିଯୁକ୍ତି ପାଇଁ 

ସାଧକ ସିଦ୍ଧି ର ମାର୍ଗ ଖୋଜି ବୁଲେ

  ଜ୍ଞାନ ପ୍ରାପ୍ତ ଲକ୍ଷ୍ୟ ନେଇ।

ଭୂମି ଠାରୁ ଭୂମା ପରିବ୍ୟାପ୍ତ ସୀମା

   ଅନ୍ବେଷଣ ମହା ଭାବ

ଅନ୍ବେଷଣ ବିନା ସଫଳତା ପ୍ରାପ୍ତି

  କିବା ! ହୁଅଇ ସମ୍ଭବ।

ମୁକୁନ୍ଦ ପୁର, ଆସ୍କା, ଗଞ୍ଜାମ