ନୂଆପଡା ଜିଲା ରୋକଲା ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ରେ କାର୍ଯ୍ୟରତ କାଦମ୍ୱିନି ସିପକା ଙ୍କ ସୋମବାର ଦିନ ବରଗଡ ବିକାଶ ଚିକିତ୍ସାଳୟ ରେ ଦେହାନ୍ତ ଘଟିଛି । କାଦମ୍ୱିନି ସିପିକା ଗତ ବର୍ଷ ଅଗଷ୍ଟ ରେ ସରକାରୀ ସ୍ୱାସ୍ଥ୍ୟ ସେବିକା ଭାବରେ ନିଯୁକ୍ତ ହୋଇଥିଲେ ଓ ଗତ କିଛି ଦିନ ଧରି ଗୋଷ୍ଠି ସ୍ୱାସ୍ଥ୍ୟ ଅଧିକାରୀ ରୂପେ କାର୍ଯ୍ୟ ରତ ଥିଲେ । ତେବେ ଗର୍ଭସ୍ଥ ଶିଶୁ କୁ ଧାରଣ କରିସୁଦ୍ଧା ନିଜର ସାମର୍ଥ୍ୟ ଅନୁସାରେ ସରକାରୀ ଦାୟିତ୍ୱ ନିଭଉ ଥିଲେ । ବର୍ତ୍ତମାନ ସମୟରେ ଗୋଷ୍ଠି ସ୍ୱାସ୍ଥ୍ୟ ଅଧିକାରୀ ମାନଙ୍କୁ ନୂତନ ଭାବରେ ନିଯୁକ୍ତ କରାଯାଇ ଗ୍ରାମ ଗ୍ରାମରେ ମାତୃ ମୃତ୍ୟୁହାର, ଶିଶୁମୃତ୍ୟୁହାର କମ କରିବା ତଥା ସ୍ୱାସ୍ଥ୍ୟ ସମ୍ୱନ୍ଧିୟ ଅନେକ ଦାୟିତ୍ୱ ଦିଆଯାଇଛି । ତେବେ ଏଠି ଏକ ବିଡମ୍ବନା ଦେଖାଦେଇଛି । 
ଆଜି ସ୍ୱାସ୍ଥ୍ୟ ଅଧିକାରୀ ନିଜେ ପିଡିତା ହୋଇ ଯାଇଛନ୍ତି । ଏ ଘଟଣା ସାଧାରଣ ପରି ଦେଖାଯାଉଥିଲେ ବି ଏକ ବଡ ପ୍ରଶ୍ନ ବାଚୀ ସୃଷ୍ଟି କରିଦେଇଛି । ଯେଉଁଠି ଉଚ୍ଚ ଶିକ୍ଷିତ ସ୍ୱସ୍ଥ୍ୟ ଅଧିକାରୀ ମାନେ ସୁରକ୍ଷିତ ନୁହନ୍ତି, ତେବେ ଏକ ସାଧାରଣ ଜନତା ର କଣ ହେବ ।ସୂଚନା ଥାଉ କି, କାଦମ୍ୱିନି ଙ୍କ ନବଜାତ ଶିଶୁ ଏବେ ବରଗଡ ଜିଲା ବିକାଶ ଚିକିତ୍ସାଳୟ ରେ ଜୀବନ ମୃତ୍ୟୁ ସାଙ୍ଗରେ ସଙ୍ଗ୍ରାମ କରୁଛନ୍ତି । ତେବେ ଖବର ଥାଉ କି ସ୍ୱାସ୍ଥ୍ୟ ବ୍ୟବସ୍ଥାରେ କାର୍ଯ୍ୟରତ ଅନେକ ନୂତନ ଓ ପୂରତନ କର୍ମଚାରୀ ସମୟରେ ବେତନ ମଧ୍ୟ ପାଇ ପାରୁନାହାନ୍ତି । ବେତନ କରିଦେବା ପାଇଁ ବିଭିନ୍ନ ମହଲ ରେ ଲାଞ୍ଚ ମଧ୍ୟ ମାଗୁଥିବା ବେଳେ ଅନେକ ଅଧିକାରୀ ଜାଣିଶୁଣି ଦରମା କୁ ମାସ ମାସ ଧରି ବିଭିନ୍ନ ବାହାନା କରି ଗଡାଇ ଦେଉଛନ୍ତି । ସ୍ୱାସ୍ଥ୍ୟବିଭାଗରେ କାମ କରୁଥିବା କାରଣରୁ କିଛି ନ କହି ପାରୁଥିବା ବେଳେ, ଅର୍ଥ ଅଭାବରୁ ନିଜର ସୁ ଚିକିତ୍ସା ନ କରାଇବା କାରଣରୁ ପ୍ରାଣ ହରାଉଛନ୍ତି .।
ନୂଆପଡ଼ା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
