ଜଣାଣ
ମାନଗୋବିନ୍ଦ ସ୍ବାଇଁ
ଯେତେ ଅପବାଦ ଜୀବନରେ ଆସୁ
ଧର୍ଯ୍ୟ ନେବି ମୁ ସମ୍ଭାଳି
ପ୍ରଭୁ ନାମ ଧରି ପାରି କରି ଦିଅ
ଭକ୍ତି ମୋର ଜପାମାଳି।
ବିପଦ ଆସିଲେ ଧର୍ଯ୍ୟ ଶକ୍ତି ଦିଅ
କାଳିଆ ମୋର ସାହସ
କାଳିଆ ଥିଲେ ମୋ ଭକ୍ତି ବଢୁ ଅଛି
କାଳିଆ ହୃଦ ପ୍ରକାଶ।
ପ୍ରଭୁ ଧଣ୍ଡା ମାଳ ଗଳାରେ ପଡ଼ିଲେ
ଦିଶ କି ସୁନ୍ଦର ରୂପ
ଦର୍ଶନ କରିଲେ ପବିତ୍ର ଆସଇ
ଛାଡି ଯାଏ ମୋର ପାପ।
ଗମ୍ଭୀର ଭିତରେ ବସିଛ ଠାକୁର
ନୀରବ କର ବିଚାର
ଭଲ ମନ୍ଦ କଥା ବିଶ୍ବେ ଜାଣି ପାର
ସମାଚାର ମୋ ଠାକୁର।
ଭକ୍ତିରେ ଡାକୁଛି ପ୍ରଭୁ ନାମ ଧରି
ଶୁଣ ମୋର ବାଣୀ ଥରେ
ପୟର ଧରୁଛି କାକୁତି ହେଉଛି
ପାପ କ୍ଷମା କର ବାରେ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା