ଆଖି ନାହଁ କାନ ନାହଁ
ଆଖି ନାହିଁ ତାର ସବୁ ସେ ଦେଖୁଛି
କାନ ନାହିଁ ସବୁ ଶୁଣେ
ସବୁ ଦେଖି ଶୁଣି ନୀରବେ ବସି ସେ
ଭକତ ର ମନ ଜାଣେ
ଭକତ ପାଇଁ ସେ ପିଏ ହଳାହଳ
ଭକତ ତାକୁ ନଜାଣେ
ଆଖି ନାହିଁ ତାର…………….. ୧
ଭାବିଛ କି ପ୍ରଭୁ ନିଜ କଥା କେବେ
ସୃଷ୍ଟି ସର୍ଜନାରେ ରହି
ସବୁତ ଦେଇଛ ଏଇ ସଂସାର କୁ
ନିଜକୁ ତ ଭୁଲି ଯାଇ
ମୋ ମନ କହୁଛି ତୁମେ ଏକା ପ୍ରଭୁ
ଶ୍ରେଷ୍ଠ ଅଟ ଦାତା ପଣେ
ଆଖି ନାହିଁ ତାର……………. ୨
ମୟାକରି ତୁମେ ଆଖି ମୁଦି ଦେଲେ
ସାହା କେହିତ ନଥିବେ
ଭାଙ୍ଗିବ ସବୁରୀ ମିଛ ଗର୍ବ ଦମ୍ଭ
କେ କାହାକୁ ନଚିହ୍ନିବେ
ତୁମେ ହର୍ତ୍ତା କର୍ତ୍ତା ଦଇବ ବିଧାତା
(ତୁମ) ମାୟାକୁ କିଏ ବା ଜାଣେ
ଆଖି ନାହିଁ ତାର ସବୁ ସେ ଦେଖୁଛି
କାନ ନାହିଁ ସବୁ ଶୁଣେ ………୩
ସତ୍ୟରଞ୍ଜନ ସ୍ୱାଇଁ
ଅବଦଲପୁର, ଯାଜପୁର
