ଧର୍ମରାଜ ଯୁଧିଷ୍ଠିର କ’ଣ ପାଇଁ ପଶ୍ଚାତାପ କଲେ
ଏକଦା ଦରବାର ଶେଷ ହେବା ପରେ ଧର୍ମରାଜ ଯୁଧିଷ୍ଠିର ନିଜର ଭାଇ ଓ ପତ୍ନୀଙ୍କ ସହିତ କଥାବାର୍ତ୍ତା ହେଉଥିଲେ । ଏହି ସମୟରେ ଦ୍ବାରପାଳ ଆସି ସୂଚନା ଦେଲେ ଯେ, ଦୁଇଜଣ ଅତିଥି ଆପଣଙ୍କୁ ସାକ୍ଷାତ୍ କରିବାକୁ ଚାହୁଁଛନ୍ତି । ଯୁଧିଷ୍ଠିର ସେମାନଙ୍କୁ ଆସନ୍ତାକାଲି ଆସିବାକୁ କହିଲେ । ଏହାଦେଖି ଭୀମ ଉଠିପଡି ଚାଲିଗଲେ ଏବଂ ରାଜମହଲ ଦ୍ବାରରେ ଲାଗିଥିବା ଘଣ୍ଟା ବାଜି ଉଠିଲା । ଯଦି କୌଣସି ଆଶ୍ଚର୍ଯ୍ୟ ଜନକ ପରିସ୍ଥିତି ସୃଷ୍ଟି ହୁଏ ତେଵେ ଏହି ଘଣ୍ଟା ବଜା ଯାଇଥାଏ ।
ଭୀମ ସ୍ବୟଂ ବିଶାଳକାୟ ଥିଲେ ଏବଂ ଘଣ୍ଟା ମଧ୍ୟ ଯଥେଷ୍ଟ ବଡ଼ ଥିଲା । ଭୀମ ଏହି ଘଣ୍ଟାକୁ ଜୋରରେ ବଜାଇଦେଲା । ଘଣ୍ଟାର କର୍କଶ ସ୍ବରରେ ସମସ୍ତଙ୍କ କାନ ସ୍ତବ୍ଧ ହୋଇଗଲା । ଘଣ୍ଟା ବଜାଇବା ଦେଖି ଯୁଧିଷ୍ଠିର ଭୀମକୁ ଘଣ୍ଟା ବଜାଇବାର କାରଣ ପଚାରିଲେ । ଏହାପରେ ଭୀମ ଆସି କହିଲେ ରାଜା ତ ଯମରାଜାଙ୍କ ଠାରୁ ଶ୍ରେଷ୍ଠ ହୋଇଗଲେ । କ’ଣ କହୁଛ ଭୀମ ? ସ୍ପଷ୍ଟ ଭାବରେ କୁହ ? ଭୀମ ଉତ୍ତର ଦେଲେ ମହାରାଜ ଏବେ ଆପଣ ଦୁଇଜଣ ଅତିଥିଙ୍କୁ କାଲି ଆସିବାକୁ କହିଲେ । ଏହାର ଅର୍ଥ ହେଉଛି ଆପଣଙ୍କର ପୂର୍ଣ୍ଣ ଭରସା ଅଛି କି ? ଆପଣ କାଲି ପର୍ଯ୍ୟନ୍ତ ଜୀବିତ ରହିବେ । ସତକଥା ହେଉଛି ମନକୁ ଏହିକଥା ବିଲକୁଲ୍ ଚିନ୍ତା କରନ୍ତୁନି ଆଗାମୀ ଦିନରେ କ’ଣ ଘଟିବାକୁ ଯାଉଛି । ଆସନ୍ତାକାଲିକୁ ଭରସା କେଉଁ ଆଧାରରେ କରାଯାଇ ପାରିବ । ଆପଣ ଅତିଥି ମାନଙ୍କୁ ଆସନ୍ତାକାଲି କହିବା ଏହିକଥା ସୂଚନା ଅଟେ ଯେ, କାଲି ଆପଣ ଏହି ପୃଥିବୀରେ ରହିବେ ?
ଧର୍ମରାଜ ଯୁଧିଷ୍ଠିର ନିଜର ଭୁଲ୍ ପାଇଁ ପଶ୍ଚାତାପ କଲେ ଏବଂ ସେ ତୁରନ୍ତ ଦ୍ବାରପାଳଙ୍କୁ କହିଲେ କି, ଦୁଇଜଣ ଅତିଥିଙ୍କୁ ଏବେ ହିଁ ଡକାଯାଉ । ଅତିଥି ଦରବାରରେ ହାଜର ଦେଲେ ଏବଂ ଧର୍ମରାଜ ଯୁଧିଷ୍ଠିର ସେମାନଙ୍କର ସମସ୍ୟାର ସମାଧାନ କରାଇଲେ ।।
ସଂଗ୍ରାହକ – କବିକମଳ ନରେନ୍ଦ୍ର ପ୍ରସାଦ ବେହେରା,
ସମ୍ପାଦକ – ମୋ ଅନୁଷ୍ଠାନ, ଆଳଦା, ଖଇରା, ବାଲେଶ୍ବର,