ପାପଡାହାଣ୍ଡି,1/9, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଡେଙ୍ଗାଗୁଡା ପଂଚାୟତ ଖର୍କି ସରକାରି ଆଶ୍ରମ ବିଦ୍ୟାଳୟର ପ୍ରଧାନ ଶିକ୍ଷକ ଫ୍ରାନ୍ସସିସ ନାଗଙ୍କ ବଦଳି ପ୍ରତିବାଦରେ ଗୁରୁବାର ବିଦ୍ୟାଳୟ ଆଗରେ ଧାରଣା ଦେଲେ ଛାତ୍ରୀ ଛାତ୍ର ସହ ଅଭିଭାବକ | ଯେ ପର୍ଯ୍ୟନ୍ତ ପ୍ରଧାନ ଶିକ୍ଷକଙ୍କ ବଦଳି ପ୍ରତ୍ୟାହାର ନ ହୋଇଛି ସେମାନେ ବିଦ୍ୟାଳୟକୁ ଫେରିବେ ନାହିଁ ବୋଲି ଛାତ୍ରୀ ଛାତ୍ର କହିଥିବା ବେଳେ ଅଭିଭାବକ ମାନେ ବିଦ୍ୟାଳୟରେ ତାଲା ଠୁଁକିବେ ବୋଲି ଚେତାବନୀ ଦେଇଛନ୍ତି | ସୂଚନା ମୁତାବକ ବିଦ୍ୟାଳୟରେ ଗତ 4ବର୍ଷରୁ ଉର୍ଧ୍ଵ ସମୟ ହେଲା ପ୍ରଧାନ ଶିକ୍ଷକ ଦାଇତ୍ୱରେ ରହି ଆସୁଥିଲେ | ଇତି ମଧ୍ୟରେ ତାଙ୍କର ଅନ୍ୟତ୍ର ବଦଳି ହୋଇଯାଇଛି | ଯାହାକୁ ସାଧାରଣରେ ବିଦ୍ୟାଳୟର ଛାତ୍ରୀ ଛାତ୍ର ଓ ଅଭିଭାବକ ମାନେ ଗ୍ରହଣ କରି ପାରିନଥିଲେ | ଏହାର ପ୍ରତିବାଦ କରି ବହୁ ସମୟ ଗେଟ ଆଗରେ ଧାରଣା ଦେବ ସହ କାନ୍ଦିକି ରହିଥିଲେ | ନାଗଙ୍କ ସମୟରେ ବିଦ୍ୟାଳୟର ବୋହୂ ଉନ୍ନତି କରଣ କାର୍ଯ୍ୟ ସହ ଛାତ୍ରୀ ଛାତ୍ର ମାନେ ହଷ୍ଟେଲ ସୁବିଧାଭଲ ଭାବରେ ପାଉଥିଲେ | ପାଠ ପଢ଼ାରେ ମଧ୍ୟ ବହୁତ ଉନ୍ନତି ହୋଇଥିଲା | ବିଦ୍ୟାଳୟ ପରିବେଶ ସଫା ସୁତୁରା ରହିଥିଲା | ଯଦି ସେ ବଦଳି ହୋଇ ଚାଲିଯିବେ ତା ହେଲେ ଛାତ୍ରୀ ଛାତ୍ର ମାନଙ୍କ ବିଦ୍ୟାଳୟ ପ୍ରତି ଯିବାକୁ ମନ ହେବ ନାହିଁ ବୋଲି ଅଭିଭାବକ କହିଛନ୍ତି | ଯଦି ବଦଳି ପ୍ରତ୍ୟାହାର ନ କରାଯାଏ ତେବେ ଛାତ୍ରୀ ଛାତ୍ର ବିଦ୍ୟାଳୟ ଛାଡିବା ସହ ଅଭିଭାବକ ବିଦ୍ୟାଳୟରେ ତାଲା ଠୁଁକିବେ ବୋଲି ଚେତାବନୀ ଦେଇଛନ୍ତି |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ