ମୟୂରଭଞ୍ଜ- ୦୫/୦୯/୨୦୨୨ (ମସିହା) ସମାଜରେ ଦିବ୍ଯାଙ୍ଗମାନେ ଅଲୋଡା ନୁହନ୍ତି ।ଭଗବାନ ସମସ୍ତଙ୍କ ଦେହରେ ଦିଵ୍ଯାତ୍ମା ଭରି ଦେଇଛନ୍ତି ।ସମାଜର ପ୍ରଗତି ରଥରେ ଦିବ୍ଯାଙ୍ଗମାନେ ସାମିଲ ହେବା ପାଇଁ ସରକାର ବହୁ ପ୍ରଚେଷ୍ଟା କରୁଛନ୍ତି । ସେମାନଙ୍କ ପାଖରେ ସରକାରଙ୍କ ଯୋଜନା କିଭଳି ପହଞ୍ଚି ପାରିବ ଓ ସେମାନେ ଲାଭାନ୍ବିତ ହେବେ ସେଥିପାଇଁ ସମସ୍ତେ ଚେଷ୍ଟା କରିବା ଆବଶ୍ୟକ । ସେମାନେ ଯେମିତି ପରିବାରର ଓ ସମାଜର ବୋଝ ହୋଇ ରହିବେ ନାହିଁ ।ସୋମବାର ଦିନ ରାଇରଙ୍ଗପୁର ଗୋଷ୍ଠୀ ସାଧନା କେନ୍ଦ୍ର ପରିସରରେ ଏକ ଦିବସୀୟ ଦିଵ୍ଯାଙ୍ଗ,ଅଭିଭାବକ ଓ ପ୍ରଧାନ ଶିକ୍ଷକଙ୍କ ପାଇଁ ସଂଚାର -୩ ସଚେତନତା ଶିବିର ଆରପିସିଡବ୍ଲ୍ଯ ଏସଏନ ଶ୍ରୀଯୁକ୍ତ ମହେଶ ମହାପାତ୍ରଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ହୋଇଯାଇଛି ।ଏଥିରେ ମୁଖ୍ୟ ଅତିଥି ଭାବେ ରାଇରଙ୍ଗପୁରର ସହକାରୀ ଗୋଷ୍ଠୀ ଶିକ୍ଷା ଅଧିକାରୀ କାର୍ତ୍ତିକ ଚନ୍ଦ୍ର କାରୁଆ ଯୋଗ ଦେଇ କାର୍ଯ୍ୟକ୍ରମର ଶୁଭ ଉଦ୍ଘାଟନ କରିଥିଲେ । ଏଥିରେ ୨୫ ଟି ବିଦ୍ୟାଳୟର ପ୍ରଧାନ ଶିକ୍ଷକ ଯୋଗ ଦେବା ସହ ଦିବ୍ଯାଙ୍ଗ ଛାତ୍ର ଛାତ୍ରୀ,ଓ ଅଭିଭାବକମାନେ ଯୋଗ ଦେଇଥିଲେ । ତାଲିମ ପ୍ରାପ୍ତ ଶିକ୍ଷୟତ୍ରୀ ସାଗରୀକା ପଣ୍ଡା ଏବଂ ରୁଦ୍ର ବିହାରୀ ଗିରି କାର୍ଯ୍ୟକ୍ରମରେ ପାଠ୍ୟବସ୍ତୁ ବିଷୟ ଉପରେ ଆଲୋକପାତ କରିଥିଲେ ।ଅକତାର୍ ହୁସେନ ଶିବିର ପରିଚାଳନା କରିଥିଲେ । ଏଥିରେ ଭିନ୍ନକ୍ଷମ ପିଲା କାହିଁକି ହୁଅନ୍ତି, ସେମାନଙ୍କୁ ଅଭିଭାବକମାନେ କିଭଳି ଶିକ୍ଷା, ସ୍ବାସ୍ଥ୍ୟ, ବୌଦ୍ଧିକ,ମାନସିକ ଓ ଶାରିରୀକ ବିକାଶର ଯତ୍ନ ନେବା ଦରକାର ତାହା ତାହା ପ୍ରାଞ୍ଜଳଭାବରେ ବୁଝାଇ ଦିଆଯାଇଥିଲା । ସରକାରଙ୍କ ବିଭିନ୍ନ ଯୋଜନାର ସୁଫଳ ବିଷୟରେ ଅବଗତ କରାଯାଇଥିଲା ।ଅତିତରେ ଦିବ୍ଯାଙ୍ଗମାନେ କିଭଳି ମାନବରୁ ଅତିମାନବ ତଥା ସମାଜର ବିଭିନ୍ନ ବିଭାଗରେ ଶୀର୍ଷ ସ୍ଥାନରେ ପହଞ୍ଚି ସଫଳତା ହାସଲ କରିଛନ୍ତି ତାହା ପ୍ରେରଣା ସ୍ବରୂପ ଅବଗତ କରାଯାଇଥିଲା । ଯାହାଫଳରେ ଏବେର ଦିବ୍ଯାଙ୍ଗ ପିଲାମାନେ ଅଂଚଳ,ଜିଲ୍ଲା,ରାଜ୍ୟ,ଭାରତ ଓ ଵହିର୍ଭାରତରେ ନିଜର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରିପାରିବେ ।ବିଦ୍ୟାଳୟରେ ଦିବ୍ଯାଙ୍ଗ ପିଲାମାନଙ୍କର ଯତ୍ନ ପ୍ରତି ଶିକ୍ଷକ ମାନଙ୍କୁ ସଚେତନ କରାଯାଇଥିଲା ।ଶିକ୍ଷକ,ଅଭିଭାବକ ଓ ପିଲାମାନେ ସଚେତନତା କାର୍ଯ୍ୟକ୍ରମରେ ଯୋଗଦେଇ ବହୁ ଜ୍ଞାନ ଆହୋରଣ କରି ଯତ୍ନଶୀଳ ହେବେ ବୋଲି କହିଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳଙ୍କ ରିପୋର୍ଟ