ଆମେତ ଭାଇ ପଇଶା ବାଲା
ନିରୁପମା ପାଣି
ଆମେତ ଭାଇ ପଇଶା ବାଲା
ଆମକୁ ଡରେ ଉପର ବାଲା
ଆମ ହାତରେ ଦୁନିଆଁ ଚାଲେ
ଆମେ କରିପାରୁ କଳାକୁ ଧଳା
ଆମେତ ଭାଇ ପଇଶା ବାଲା!!!
ଘରେ ବସଉ ଥଣ୍ଡା ମେସିନି
ଟଙ୍କା ଗଦିରେ ଶୋଉ
କିଣା ପବନେ ନିଶ୍ୱାସ ପୁଣି
ପିଠିରେ ବୋହି ନେଉ
ଆମେତ ଭାଇ ପଇଶାବାଲା!!!
ଦୁନିଆ ଯାକର ରୋଗ ଆମର
ପଟିଏ ରୁଟି ଖାଉ
ତେଲ ମସଲା ଦେଖିଲେ ଆମେ
ସେଠାରୁ ଦୂରେଇ ରହୁ
ଆମେତ ଭାଇ ପଇଶା ବାଲା!!!
ଘରଣୀ ପିନ୍ଧେ କେଜିଏ ସୁନା
ପାରେନା ଠିଆ ହୋଇ
କମରେ ବନ୍ଧା ବେଲ୍ଟ ତାର
ବସି ପାରେନା ଖାଇ
ଆମେତ ଭାଇ ପଇଶା ବାଲା
ପିଲା ପଢନ୍ତି ବଡ ଇସ୍କୁଲେ
ପାଠରେ କିନ୍ତୁ ଜିରୋ
ରେସିଡେଣ୍ଟାଲ ରେ
ପାଞ୍ଚ ଦଶ ଲକ୍ଷ ବର୍ଷକୁଦେଲେ
ପାଶ୍ ହେବେ ସିଓର୍
ଆମେତ ଭାଇ ପଇଶା ବାଲା
ଆବେ ପରଶୁ ଯାବେ ପରଶୁ
ବାବୁ ପରଶୁ ରାମ
ଏଇ ଦୁନିଆଁ ରେ ପଇଶା ନଥିଲେ
ହୁଏ ନାହିଁ ଜାଣ କାମ
ଆମେତ ଭାଇ ପଇଶା ବାଲା
ଥାନା କଚେରୀ ଆମହାତରେ
ଦୁନିଆଁ ସାରା ଜାଣେ
ସବୁ ଭୁଉଲୁ ଆମର ମାଫ୍
କହୁଛି ମୁହିଁ ଟାଣେ
ଆମେତ ଭାଇ ପଇଶାବାଲା!!!
ଚାନ୍ଦବାଲି , ଭଦ୍ରକ୍
