କର୍ଲାମୁଣ୍ଡା: ଗତ କିଛି ଦିନ ହେଲା ଏହି ଅଞ୍ଚଳରେ ଆବଶ୍ୟକ ମୁତାବକ ବର୍ଷା ହୋଇ ନ ଥିବାରୁ ଚାଷୀ ଚିନ୍ତିତ ହୋଇ ପଡିଛି l ଅପର ପକ୍ଷରେ ଚାଷୀଙ୍କୁ କେନାଲ ମାଧ୍ୟମରେ ପାଣି ଯୋଗାଇ ଦେବାର ବ୍ୟବସ୍ଥା ହୋଇ ହେଁ କେନାଲର ଅବ୍ୟବସ୍ଥା ଯୋଗୁଁ ଚାଷୀମାନେ ତାହାର ସୁଫଳ ପାଇପାରୁ ନାହାନ୍ତି l ଫଳରେ କର୍ଲାମୁଣ୍ଡା ବ୍ଲକ ଅନ୍ତର୍ଗତ ତେରେସିଂହା ଗ୍ରାମର କେତେକ ଚାଷୀ ମାନେ ନିଜେ କେନାଲ ସଫେଇ କରୁଥିବା ଦେଖିବାକୁ ମିଳୁଛି l ଗ୍ରାମର ବନ୍ଦ ପାଞ୍ଜର ଶାଖା କେନାଲର ସ୍ଥାନୀୟ ଚାଷୀ ଆଜି ଏକତ୍ରିତ ହୋଇ କେନାଲର ଅଳିଆ ଆବର୍ଜନା ସଫା କରୁଥିବା ଦେଖାଯାଏ l ଗ୍ରାମର କୃଷକନେତା କ୍ଷେତ୍ରମଣି ରଣାଙ୍କ ନେତୃତ୍ବରେ ଯୁଗେଶ୍ଚନ୍ଦ୍ର ରଣା, କରୁଣାକର ରଣା, ଡମ୍ବରୁ ରଣା, ସୁରୁକାନ୍ତ ରଣା, ଡୋଳାମଣି ରଣା, ବିପିନ୍ ରଣା ପ୍ରମୁଖ କେନାଲ ସଫେଇ କାର୍ଯ୍ୟରେ ସାମିଲ ହୋଇଥିଲେ l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
