ସକାଳର ଜଣାଣ

ଜଗନ୍ନାଥ ହୋ

 ବିଜୟ କୁମାର ଜେନା

ଜଗନ୍ନାଥ ପ୍ରଭୁ ଚକା ଆଖି ଦେଖି

      ମନତ ଯାଉଛି ଲାଖି

ନୀଳଚକ୍ର ପରେ ପତିତ ପାବନ

   ବାନା ରହିଛି ହେ ସାକ୍ଷୀ।

ଜଗତ ଯାକର କେତେ କେତେ ତୀର୍ଥ

      ବୁଲି ଆସିଛି ଜୀବନେ

ଏମିତିକା ଦିଅଁ କେଉଁଠି ଦେଖିନି

    ପୂର୍ଣ୍ଣତା ଆସଇ ପ୍ରାଣେ।

ଦିନ ରାତି ଲାଗେ ଗହଳ ଚହଳ

      ମନ୍ଦିରଠୁଁ ମହୋଦଧି

କୋଠାଭୋଗ ଖିଆ ନାମେପଡେ ହୁରି

      ତୁମେ କରୁଣା ବାରିଧି।

କେତେ ଦୁଃଖୀରଙ୍କି ପେଟକୁ ଦେଇଛ

        ନିତି ଦିନର ଆହାର

ଦାନା କନା ପଛେ ନଥାଉ କାହାର

    ତୁମ ନାମେ ହୁଏ ପାର।

ଭାବର ଠାକୁର ଚିନ୍ମୟ ଚିନ୍ତନ

     ପ୍ରତି ଓଡ଼ିଆର ପ୍ରାଣ

ତୁମେ ଅଟ ନାଥ ବିଶ୍ବର ନୀୟନ୍ତା

     ବଞ୍ଚେ ନିଖିଳ ଜୀବନ।

 ଅବସର ପ୍ରାପ୍ତ ପ୍ରାଧ୍ୟାପକ

ଶାମୁକା ସାହି , ରଣପୁର ନୟାଗଡ଼