ପ୍ରଗତିଶୀଳ ମସିହା, ନିର୍ଭୀକ I ନିର୍ଭୟ I ନିରପେକ୍ଷ
Uncategorized

ଚିତ୍ତ ରଞ୍ଜନ ନନ୍ଦ ଙ୍କ କବିତା ମତାନ୍ଧ ମଣିଷର ଧର୍ମ

ମତାନ୍ଧ ମଣିଷର ଧର୍ମ

ସାବିତ୍ରୀ ବାଇ କନ୍ୟା ଶିକ୍ଷା ଓ ଦଳିତ ଶିକ୍ଷା 
ପାଇଁ ଲଢ଼ୁଥିଲେ ଯେବେ 
ତାଙ୍କ ଉପରେ ଗୋବର ଓ ପଥର ତ ଫିଙ୍ଗୁ
ଥିଲେ କିଛି ଲୋକ ତେବେ |୧|
ବାଧ୍ୟ କଲେ ସୂର୍ଯ୍ୟ ଚାରିପଟେ ପୃଥିବୀ ବୁଲୁଛି
କହିବା କଥାକୁ 
ଗାଲିଲିଓଙ୍କୁ ବନ୍ଦୀ କରି ଜୋର ଦେଲେ ତା 
ଭୁଲ ବୋଲି କହିବାକୁ |୨|
ରାଜା ରାମମୋହନ ଯେତେବେଳେ ସତୀ 
ପ୍ରଥାର ବିରୋଧ କରିଲେ
ଜାଣିଛେ ଆମେ କିଛି ସଂକୀର୍ଣ୍ନ ମଣିଷ ତାଙ୍କୁ
ଖୁବ ହଇରାଣ କରିଥିଲେ |୩|
ଈଶ୍ୱର ଚନ୍ଦ୍ର ବିଦ୍ୟାସାଗର ଯେତେବେଳେ 
ବିଧବା ବିବାହ ପାଇଁ ଲଢ଼ିଲେ 
ଜାଣିଛେ ଆମେ କିଛି ସଂକୀର୍ଣ୍ନ ମଣିଷ ତାଙ୍କୁ 
ଖୁବ ହଇରାଣ କରିଥିଲେ |୪|
ଦକ୍ଷିଣପନ୍ଥୀଙ୍କୁ କହିବା ହେ ତୁମେ ସବୁ ଏ 
ଅନ୍ଧାରରୁ ପ୍ରକାଶକୁ ଆସ 
ମୂର୍ଖାମୀ ନୂହେଁ କି ତାହା ଯିଏ ସବୁ ପିଆଇ
ଥିଲେ ସୋକ୍ରାଟେସଙ୍କୁ ବିଷ |୫|
କହିବା ଆସ ହେ ମିଥ୍ୟାରୁ ତୁମେ ସବୁ 
ସତ୍ୟକୁ, ଘୃଣାରୁ ପ୍ରେମକୁ
ଜେଲରେ ପୁରାଅ କିମ୍ବା ଜୀବନରେ ମାରି 
ଦିଅନ୍ତି ସେମାନେ ତାଙ୍କୁ |୬|
ଯଦି ସାଧାରଣ ଲୋକ ମିଥ୍ୟା ଓ ଅନ୍ଧ ବିଶ୍ବାସ 
ଭିତରେ ବୁଡି ବସିଥିବ
ଭାବ ହେ ଶାସକ, ରାଜଗଦିରେ ବସି ଲୋକଙ୍କ 
ଧନ ଲୁଟି ନେଉଥିବ |୭|
କଷ୍ଟ ଦିଅ କାଳେ କାଳେ ସତ୍ୟ ଉଜାଗର କରୁ
ଥିବା ସମସ୍ତ ବ୍ୟକ୍ତିଙ୍କୁ
କ୍ଷମତା, ଧନ ସମ୍ପତ୍ତିର ଲୁଣ୍ଠନ ଓ ବିଳାସମୟ 
ଜୀବନ ବନ୍ଦ ନହେବାକୁ |୮|
ଗଢ଼ିବାକୁ ଏକ ସୁନ୍ଦର ଓ ପ୍ରେମମୟ ଦୁନିଆ 
ତୁମର କେବେ ହେବନି ମନ
ବହୁତ ଭୟ ତୁମର ସତ୍ୟ ଓ ତର୍କକୁ, କଳ୍ପନା
ରୁ ବାସ୍ତବକୁ ଆସିବା ଖାଲି ସ୍ୱପ୍ନ |୯|

   ଚିତ୍ତ ରଞ୍ଜନ ନନ୍ଦ

    ଜଗତପୁର, କଟକ

Related posts

କବିତା – ଉତ୍କଳ ଦିବସ

Sunil Chandra Nayak

ଜେଇଇ-ମେନ୍‌ରେ ଶତ ପ୍ରତିଶତ ମାର୍କ ରଖିଲେ ୧୪ ଛାତ୍ରଛାତ୍ରୀ

Sunil Chandra Nayak

ଜିଲ୍ଲା ଶିକ୍ଷା ଅଧିକାରୀଙ୍କ ଘଣ୍ଟମାଳ ସ୍କୁଲ୍ ପରିଦର୍ଶନ

Leave a Comment

error: Content is protected !!