ରାଇରଙ୍ଗପୁର-୨୦/୦୯/୨୨ କୁଡୁମି ସଂପ୍ରଦାୟର ଲୋକେ ବିଶେଷତଃ ଓଡ଼ିଶା, ଝାଡ଼ଖଣ୍ଡ, ବିହାର,ପଶ୍ଚିମବଙ୍ଗ,ଛତିଶଗଡ଼,ଆସାମ ଅଂଚଳରୃ ୨କୋଟିରୁ ଉର୍ଦ୍ଧ୍ବ ଲୋକ ବସବାସ କରନ୍ତି । ସେମାନଙ୍କ ମଧ୍ୟରୁ ଓଡ଼ିଶାରେ ୪୦ ଲକ୍ଷ, ପଶ୍ଚିମବଙ୍ଗ ରେ ୩୦ ଲକ୍ଷ, ଝାଡ଼ଖଣ୍ଡର ଆଜ୍ଯରେ ୮୫ ଲକ୍ଷରୁ ଉର୍ଦ୍ଧ୍ବ ଲୋକେ ବସବାସ କରୁଛନ୍ତି । 
ସେମାନଙ୍କୁ କେନ୍ଦ୍ର ସରକାର ୧୯୫୦ ମସିହା ପର୍ଯ୍ୟନ୍ତ ଆଦିବାସୀ ତାଲିକାଭୁକ୍ତ ମାନ୍ୟତା ଦେଇଥିଲେ ।ପରେ କିଛି ଚକ୍ରାନ୍ତକାରୀଙ୍କ ଯୋଗୁଁ ସେମାନଙ୍କୁ ଆଦିବାସୀ ତାଲିକାଭୁକ୍ତ ମାନ୍ୟତାରୁ ବାଦ କରାଯାଇଥିଲା ।କୁଡୁମି ସଂପ୍ରଦାୟର ଲୋକେ ସେମାନଙ୍କର ସ୍ବତନ୍ତ୍ର କୁଡୁମାଲି ଭାଷା, ସଂସ୍କୃତି,ପରଂପରା ଅଛି । 
ସାଂପ୍ରତିକ ପରିସ୍ଥିତିରେ କୁଡୁମି ସଂପ୍ରଦାୟର ଲୋକଙ୍କର ଆର୍ଥିକ ଅବସ୍ଥା ସଂକଟାପନ୍ନ । ସେମାନଙ୍କ ଆର୍ଥିକ, ଶିକ୍ଷା, ସାମାଜିକ,ଭାଷା ଆଜି ବିପନ୍ନ । ଶତକଡା ଅଶୀ ଭାଗ ଲୋକ ଗରିବୀ ତାଲିକାଭୁକ୍ତ ।ତେଣୁ ବାଧ୍ଯ ହୋଇ କୁଡୁମି ସମାଜର ଲୋକେ ପୁନଃ ଆଦିବାସୀ ତାଲିକାଭୁକ୍ତ ହେବାପାଇଁ ଦିର୍ଘ ୧୦/୧୨ ବର୍ଷ ହେଲା ପଲ୍ଲୀରୁ ଦିଲ୍ଲୀ ପର୍ଯ୍ୟନ୍ତ ଆନ୍ଦୋଳନ,ଧର୍ମଘଟ କରି ଆସୁଛନ୍ତି । 
ହେଲେ କେନ୍ଦ୍ର ଓ ରାଜ୍ୟ ସରକାର ସେମାନଙ୍କ ଦାବିକୁ ଗ୍ରହଣ କରିବା ପରିବର୍ତ୍ତେ ଲଲିପପ୍ ଦେଉଛନ୍ତି । ସେମାନେ ଆଜି ସବୁଦିଗରୁ ବଂଚିତ । ତେଣୁ ଏହାକୁ ନେଇ କୁଡୁମି ସମାଜର ଲୋକେ ଆଜି ରେଳଛେଙ୍କା ଅଭିଯାନ କରିଛନ୍ତି । ବିଭିନ୍ନ ରାଜ୍ୟରେ ମଧ୍ୟ ରେଳଛେଙ୍କା ଅଭିଯାନ କରିଛନ୍ତି । 
ରାଇରଙ୍ଗପୁର ସନ୍ନିକଟ ଟାଟା-ବାଦାମପାହାଡ ରେଳପଥର ଅଁଳାଯୋଡି ରେଳ ଷ୍ଟେସନରେ ମଙ୍ଗଳବାର ଭୋର ୫ଟାରୁ ରେଳରୋକ ଅନିର୍ଦ୍ଦିଷ୍ଟ ପର୍ଯ୍ୟନ୍ତ କରିଛନ୍ତି।ହଜାର ହଜାର କୁଡୁମି ସମାଜର ଯୁବ, ଛାତ୍ର,କୃଷକ,ମହିଳା, ସମସ୍ତେ ରେଳଷ୍ଟେସନରେ ରେଳରୋକରେ ସାମିଲ ହୋଇଛନ୍ତି । ପୋଲିସ ଏବଂ ରେଳବାଇ ତରଫରୁ ଆଇନ ଶୃଙ୍ଖଳା ପାଇଁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । 
କାର୍ଯ୍ଯକ୍ରମର ନେତୃତ୍ୱ ନେଇଥିଲେ ଶଶୀଧର ମହାନ୍ତ, ବୀରେନ୍ଦ୍ର ମହାନ୍ତ,କିରଣ ମହାନ୍ତ,ମନୋଜ ମହାନ୍ତ, ଯୋଗେଶ୍ୱର ମହାନ୍ତ,ବୀନତି ମହାନ୍ତ,ଭବାନୀ ଶଙ୍କର ମହାନ୍ତ,କାଳଜୟୀ ମହାନ୍ତ,ଲାଲମୋହନ ମହାନ୍ତ,ସେବତୀ ମହାନ୍ତ,ନବୀନ ମହାନ୍ତ,ତୈଳ ମହାନ୍ତ,ଫାଣ୍ଟୁସ ମହାନ୍ତ,ଆକାଶ ମହାନ୍ତ,ମାନସ ରଂଜନ ମହାନ୍ତ,ଟୁକୁନା ମହାନ୍ତ,ସାତପଦ ମହାନ୍ତ,କ୍ଷୀରୋଦ ମହାନ୍ତ,ନିର୍ମଳ ମହାନ୍ତ ଏବଂ ଅନ୍ୟମାନେ ।
ରାଇରଙ୍ଗପୁର ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ 
