ଵିରହୀ ଗୀତ

   ଉପେନ୍ଦ୍ର କୁମାର ବସ୍ତିଆ

   

କୃଷ୍ଣ କେଶବ ହେ ••••

ମଥୁରାକୁ ଗଲ ଚାଲି 

କାହା ବୋଲେ ତୁମେ ବାହୁଡ଼ି ନୋହିଲ 

    କୁଞ୍ଜବନ ଆଜି ଖାଲି 

କୃଷ୍ଣ କେଶବ ହେ •••••।

ଶ୍ରୀ ରାଧା ଖୋଜଇ ବ୍ୟାକୁଲିତ ହୋଇ 

    ଯଶୋଦା ହୁଏ ବାଉଳି 

ନନ୍ଦରାଜା ମନେ ଭାବୁଛନ୍ତି ଧ୍ୟାନେ 

    ଶୁଭୁ ନାହିଁ ପଦ ଚାଲି 

କୃଷ୍ଣ କେଶବ ହେ ••••।

ବ୍ରଜବାସୀ ଗଣ ଆସି ଜଣ ଜଣ 

    ହୋଇଲେଣି ଏକ ମେଳି 

ଚାଲ ଆମେଯିବା କାନନେ ଖୋଜିବା 

    କାହିଁ ଗଲେ ବନ ମାଳୀ 

କୃଷ୍ଣ କେଶବ ହେ •••••।

ଶ୍ରୀ ରାଧା କୁହଇ ମସ୍ତକ ହଲାଇ

    ଆଲୋ ଆଲୋ ଚନ୍ଦ୍ରାବଳୀ 

ଦେଖିଛକି ତୁମେ ଯମୁନା ପୁଳିନେ

    ମୋ ହ୍ରୁଦୟ ଗଳା ମାଳୀ

କୃଷ୍ଣ କେଶବ ହେ ••••••।

ଗୋ ବତ୍ସା ପଲ ଛାଡ଼ି ତୃଣ ମୂଳ 

    ଦୁଃଖେ ହୁଅନ୍ତି ହମ୍ଭାଳୀ

ଯଶୋଦା କାନ୍ଦଇ ମୁଣ୍ଡ କୋଡ଼ି ହୋଇ

    କାହିଁ ଗଲା ମୋ ଶଙ୍ଖାଳି

କୃଷ୍ଣ କେଶବ ହେ •••••।

 ଥିଲା ଗୋପପୁର ରାଧା କୃଷ୍ଣଙ୍କର 

    ଅପୂର୍ବ ଐଶ୍ୱର୍ଯ୍ୟ କେଳି

 ଆଉକି ଫେରିବେ ମଥୁରା ପୁରରୁ

    କୁଞ୍ଜବନ ଲାଗେ ଖାଲି 

କୃଷ୍ଣ କେଶବ ହେ ,•••••।

ରାଉରକେଲା