ଜଣାଣ
ମାନଗୋବିନ୍ଦ ସ୍ବାଇଁ
ପାହାଡ଼ ସେପାଖେ ରବି ଯାଏ ଲୁଚି
ଅନ୍ଧକାର ଆସେ ମାଡ଼ି
ବାହୁଡ଼ା ପ୍ରାଣୀଙ୍କ ନୀଡ଼କୁ ଫେରିବା
ପ୍ରଭୁଙ୍କୁ ସେ ହାତ ଯୋଡ଼ି।
ଗଗନେ ଦିଶଇ ଆଲୋକର ଧାରା
ସୁନ୍ଦର ମୋ ବସୁନ୍ଧରା
ଗ୍ରାମ୍ୟ ଗ୍ରାମ୍ୟ ବତୀ ଭାଗବତ ପାଠ
ଘରକୁ ମଙ୍ଗଳ ପୁରା।
ଶଂଖ ଧ୍ବନି ମନ୍ତ୍ର ଉଚ୍ଚାରଣ କରି
ଅନ୍ତର ବେଦନା ବାଣୀ
ସବୁ ବାଢ଼ି ଦେଲି ପ୍ରଭୁଙ୍କ ର ପାଶେ
ଶାନ୍ତି ଦିଅ ମୋ ମାଗୁଣି।
ଆଲୋକ ଯେତିକି ଅନ୍ଧାର ସେତିକି
ସବୁତ ହୁଏ ସମାନ
ଭାବିବା ଯେତିକି ଚିନ୍ତିବା ସେତିକି
ଭେଟ ହବ ଭଗବାନ।
ଭଜିଲେ ପାଇବୁ ଖୋଜିଲେ ମିଳିବ
ଭକ୍ତିର ତତ୍ବ ବିଜ୍ଞାନ
ହରିରାମ ଶବ୍ଦ ଯେତେ ଦୂର ଯିବ
ସେତେ ଦୂର ପ୍ରଭୁ ଜ୍ଞାନ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
