ଭବାନୀପାଟଣା ୨୪/୦୯ ( ମ ନି ସ) କଳାହାଣ୍ଡି ବିଶ୍ଵବିଦ୍ୟାଳୟ ଏନ ଏସ ଏସ ବ୍ୟୁରୋ ପକ୍ଷରୁ ଐତିହାସିକ ଗୁଡହାଣ୍ଡିର ଡୋକରିଚଞ୍ଚରା ଠାରେ ଗ୍ରାମବାସୀ ଓ ସ୍ଵେଚ୍ଛାସେବୀ ମାନଙ୍କ ଗହଣରେ ଜାତୀୟ ସେବା ଯୋଜନା ଦିବସ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବେ ବିଶ୍ଵବିଦ୍ୟାଳୟର କୁଳପତି ପ୍ରଫେସର ସଞ୍ଜୟ କୁମାର ଶତପଥୀ ଯୋଗଦେଇଥିବା ବେଳେ ସମ୍ମାନୀତ ଅତିଥି ଭାବେ ଏସଡିପିଓ ଧିରଜ କୁମାର ଚୋପଦାର ଓ ଜିଲ୍ଲା ଲୋକସମ୍ପର୍କ ଅଧିକାରୀ ଶ୍ରୀ ମନୋଜ ବେହେରା ଯୋଗଦେଇଥିଲେ । ଅନ୍ୟାନ୍ୟ ଅତିଥିଗଣ ମାନଙ୍କ ମଧ୍ୟରେ ପି.ଏସ. କଲେଜ, କୋକସରା ର ଅଧ୍ୟକ୍ଷ ଶ୍ରୀ ଗୁଣାକାର ପଣ୍ଡା, ଜିଲ୍ଲା କାର୍ଯ୍ୟକ୍ରମ ଅଧିକାରୀ ଶ୍ରୀ ପ୍ରତାପ ଚନ୍ଦ୍ର ଦାସ, ଶ୍ରୀ ସାକେତ ନାରାୟଣ ବେହେରା, ଡ. କୈଲାଶ ଚନ୍ଦ୍ର ଦାସ, ଶ୍ରୀ ମୋହନ ଚରଣ ବିଶି, ଆଇ.ଆଇ.ସି. , କୋକସରା ଶ୍ରୀ ପ୍ରସନ୍ନ ବେହେରା ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ଏନ ଏସ ଏସ କାର୍ଯ୍ୟକ୍ରମ ସଂଯୋଜକ ଡକ୍ଟର ଚିତ୍ତରଞ୍ଜନ ଖୁଣ୍ଟିଆ ପରିଚାଳନା କରିଥିଲେ । ଏହି ଅବସରରେ କୁଳପତି ପ୍ରଫେସର ଶତପଥୀ ଜାତୀୟ ସେବା ଯୋଜନାର ଆଭିମୁଖ୍ୟ ବିଷୟରେ ଆଲୋକପାତ କରିଥିଲେ । ତା ସହିତ ଭାରତ ସରକାରଙ୍କର ଏନ ଏସ ଏସ ଦ୍ଵାରା ସାରା ଭାରତରେ ଚଳିତ ମାସର କାର୍ଯ୍ୟକ୍ରମ (ପୋଷଣ ମାସ) ବିଷୟରେ ଗ୍ରାମବାସୀ ମାନଙ୍କୁ ସଚେତନା ମୂଳକ ବାର୍ତ୍ତା ପ୍ରଦାନ କରିଥିଲେ । ସେ ତାଙ୍କ ଆଲୋଚନା ରେ ଗ୍ରାମବାସୀ ମାନଙ୍କୁ ପୁଷ୍ଟିକର ଖାଦ୍ୟ ଖାଇବାର ଉପକାରିତା ବିଷୟରେ ବୁଝାଇଥିଲେ । ସଭା ଶେଷରେ ଶ୍ରୀ ଅରି ନଶନ ଚିନ୍ଦା, କାର୍ଯ୍ୟକ୍ରମ ଅଧିକାରୀ କୋକସରା ଧନ୍ୟବାଦ ଅର୍ପଣ କରିଥିଲେ।