ଗୋଳାମୁଣ୍ଡା/ମସିହା/ ଗୋଳାମୁଣ୍ଡା ବ୍ଲକରେ ଦୀର୍ଘ ଦିନ ଧରି ଚାରି ଶିକ୍ଷକ ଶିକ୍ଷୟତ୍ରୀ ୨୦୦୦ ମସିହାରେ କୌଣସି ଇଜିଏସ କେନ୍ଦ୍ରରେ ନିଯୁକ୍ତି ନ ପାଇ ସିଧାସଳଖ ୨୦୦୮ ମସିହାରେ ଗଣ ଶିକ୍ଷକରେ ନିଯୁକ୍ତି ପାଇଲେ ଏ ନେଇ ବିଭିନ୍ନ ଖବର କାଗଜରେ ବାରମ୍ବାର ପ୍ରକାଶିତ ହେବା ପରେ ଜିଲ୍ଲା ପ୍ରଶାସନ ଏହାର ତଦନ୍ତ ଜାରି ରଖିଛି । କଳାହାଣ୍ଡି ଜିଲ୍ଲାପାଳ ଜିଲ୍ଲା ଶିକ୍ଷା ଅଧିକାରୀଙ୍କୁ ଚିଠି କରିବା ପରେ ଜିଲ୍ଲା ଶିକ୍ଷା ଅଧିକାରୀ ଗୋଳାମୁଣ୍ଡା ବ୍ଲକ ବିଇଓଙ୍କୁ ନିର୍ଦେଶ ଦେଇଥିଲେ । ଗୋଳାମୁଣ୍ଡା ବିଇଓ ଚିଠି ନଂ ୧୫୩୮ ତା ୧୨/୯/୨୨ ଅନୁଯାୟୀ ଜିଲ୍ଲାଶିକ୍ଷା ଅଧିକାରୀଙ୍କ କାର୍ଯ୍ୟାଳୟକୁ ହାଜର ହେବାକୁ ଚାରି ଶିକ୍ଷକ ଙ୍କୁ ଚିଠି କରିଥିଲେ । ଚିଠି ପାଇଲା କ୍ଷଣି ଚାରି ଶିକ୍ଷକ ଗତ ତା ୧୩/୯ରେ ଜିଲ୍ଲାଶିକ୍ଷା ଅଧିକାରୀ କାର୍ଯ୍ୟାଳୟରେ ଉପସ୍ଥିତ ଥିଲେ । ଜିଲ୍ଲା ଶିକ୍ଷା ଅଧିକାରୀ ସୁଶାନ୍ତ କୁମାର ଚୋପଦାର ଚାରି ଜଣ ଶିକ୍ଷକଙ୍କୁ ୧୪ଟି ତଥ୍ୟ ଦେବାକୁ ଅବଗତ କରିଥିଲେ । ୧୪ଟି ତଥ୍ୟ ଦେଇ ନ ପାରିଲେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଚେତାବନୀ ଦେଇଥିବା ବିଶେଷ ସୂତ୍ରରୁ ଜଣା ପଡ଼ିଛି । ଗୋଳାମୁଣ୍ଡା ଜନକଲ୍ୟାଣ ସାମ୍ବାଦିକ ସଂଘ ପକ୍ଷରୁ ଗତ ୨୩/୯ରେ ଜିଲ୍ଲା ଶିକ୍ଷା ଅଧିକାରୀଙ୍କୁ ସାକ୍ଷାତ କରି ଚାରି ଶିକ୍ଷକ କେବେ ନିଯୁକ୍ତି ପାଇଲେ ଏବଂ କେଉଁ କମିଟି ସେମାନଙ୍କୁ ନିଯୁକ୍ତି ଦେଇଥିଲା । ସେମାନଙ୍କର ଛାତ୍ର ଉପସ୍ଥାନ , ଶିକ୍ଷକ ଉପସ୍ଥାନ,ପରିଦର୍ଶନ ଖାତା ଓ ବ୍ୟାଙ୍କ ପାସବୁକ ଗୁଡ଼ିକ ସହ ତୃଣମୂଳ ସ୍ତରକୁ ଯାଇ ତଦନ୍ତ କରିବାକୁ ଉଭୟଙ୍କ ମଧ୍ୟରେ ଆଲୋଚନା ହୋଇଥିଲା । ଶ୍ରୀ ଚୋପଦାର ସମସ୍ତ କାଗଜ ପତ୍ର ମଗାଯାଇଛି ସମସ୍ତ ତଥ୍ୟ ପ୍ରଦାନ କରି ନ ପାରିଲେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଗଣ ମାଧ୍ୟମ ପ୍ରତିନିଧିଙ୍କ ସମ୍ମୁଖରେ ପ୍ରକାଶ କରିଥିଲେ । ଜିଲ୍ଲା ଶିକ୍ଷା ଅଧିକାରୀ ସାତ ଦିନ ଭିତରେ ସମସ୍ତ କାଗଜ ପତ୍ର ଦେବାକୁ ନିର୍ଦେଶ ଦେଇଥିବା ବେଳେ ଗୋଳାମୁଣ୍ଡା ବିଇଓ ଆମକୁ ତୃଣମୂଳ ସ୍ତରକୁ ଯାଇ ତଦନ୍ତ କରିବାକୁ କୌଣସି ଚିଠି ଆସି ନ ଥିବା କଥା ସନ୍ଧେହ ଘେରକୁ ଟାଣିନେଉଛି।ଏପଟେ ଡିପିସି ଅଫିସର ଜୈନିକ କିରାଣୀ ଚାରି ଶିକ୍ଷକଙ୍କୁ ବଞ୍ଚାଇବାକୁ ସାମ୍ବାଦିକ ମାନଙ୍କୁ ଫୋନ ଯୋଗେ ଲୋଭ ଦେଖାଉ ଥିବା ଏକ ଚର୍ଚ୍ଚାର ବିଷୟ ପାଲଟିଛି । ଚାରି ଶିକ୍ଷକଙ୍କ ମଧ୍ୟରୁ ତିନି ଜଣ ନିୟମିତ ହୋଇଥିବା ବେଳେ ଜୟକୃଷ୍ଣ ଚନ୍ଦନ ନିୟମିତ ନ ହେବାର କାରଣ ସମସ୍ତଙ୍କୁ ଚକିତ କରିଦେଉଛି । ପ୍ରକାଶ ଥାଉକି ଜୟକୃଷ୍ଣ ଚନ୍ଦନ ପ୍ରଥମ ପର୍ଯ୍ୟାୟରେ ଗଣ ଶିକ୍ଷକ ରୂପେ ନିଯୁକ୍ତି ପାଇଥିବାରୁ ଶିକ୍ଷକ ସଙ୍ଘ ପକ୍ଷରୁ ବିରୋଧ କରାଯାଇଥିଲା । ଯାହା ଫଳରେ କି ସେ ନିୟମିତରୁ ବଞ୍ଚିତ ହୋଇଥିବା ଜଣାପଡିଛି । ବାକି ତିନି ଜଣ ଦ୍ୱିତୀୟ ପର୍ଯ୍ୟାୟରେ ନିଯୁକ୍ତି ପାଇଥିବାରୁ ଆଜି ସେମାନେ ନିୟମିତ ହୋଇଛନ୍ତି । ଜିଲ୍ଲା ଶିକ୍ଷା ଅଧିକାରୀ ସମସ୍ତ କାଗଜ ପତ୍ର ଯାଞ୍ଚ ସହ ତୃଣମୂଳ ସ୍ତରକୁ ଯାଇ ତଦନ୍ତ କରିବାକୁ ସାଧରଣରେ ଦାବି ହେଉଛି ।
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ, ମସିହା
