ଢେଙ୍କାନାଳ (ମ. ନି. ସ.)୨୯/୦୯_ ବ୍ୟକ୍ତିଗତ ଜାଗା ଉପରେ ଛିଡା ହୋଇଛି ଆଶ୍ରମ ସ୍କୁଲ ଘର। ଆଉ ପ୍ରକୃତ ଜାଗା ମାଲିକ କୋର୍ଟଙ୍କ ଦ୍ୱାରସ୍ଥ ହେବା ପରେ ଏବେ ହରଡ଼ଘଣାରେ ପଡିଯାଇଛନ୍ତି ସ୍କୁଲ କର୍ତ୍ତୁପକ୍ଷ । ଏପରିକି କୋର୍ଟଙ୍କ ନିର୍ଦେଶ ମତେ ଏହି ବେଆଇନ ନିର୍ମାଣ ସ୍କୁଲ ଘରକୁ ଉଚ୍ଛେଦ କରିବାବେଳେ ପାଲଟା ସ୍ଥାନୀୟ ଲୋକଙ୍କ ତୀଵ୍ର ବିରୋଧର ଶିକାର ହୋଇଛନ୍ତି । ଯାହାକୁ ନେଇ ଢେଙ୍କାନାଲ ସହରର ଦକ୍ଷିଣକାଳୀ ରୋଡ଼ ବସ୍ତିରେ ଉତ୍ତ୍ୱେଜନା ପ୍ରକାଶ ପାଇଛି ।
ଢେଙ୍କାନାଲ ସହରର ଖମାର ସାହି ସେବାଶ୍ରମ ସ୍କୁଲର ସଂପ୍ରସାରଣ କରାଯାଇଥିବା ନୂଆ ସ୍କୁଲ ବିଲ୍ଡିଂ କୁ ନେଇ ଏପରି ବିବାଦ ଉପୁଜିଛି । ଏହି ସ୍କୁଲର ସଂପ୍ରସାରଣ କରାଯାଇ ତିଆରି ହୋଇଥିବା ନୂଆ ବିଲ୍ଡିଂ ମହାବୀର ବଜାର ଅଂଚଳର ଜଣଙ୍କର ବ୍ୟକ୍ତିଗତ ଜାଗା ବୋଲି ଜଣାପଡିଛି । ଫଳରେ ଏହି ଜାଗା ମାଲିକଙ୍କ ପକ୍ଷରୁ ତାଙ୍କ ଜାଗା ପାଇବା ପାଇଁ କୋର୍ଟଙ୍କ ଦ୍ୱାରସ୍ତ ପରେ ଏହି ବିଲ୍ଡିଂ ଉଛେଦକରି ତାଙ୍କ ଜାଗା ହସ୍ତାନ୍ତର ପାଇଁ ପ୍ରଶାସନକୁ ନିର୍ଦେଶ ରହିଥିଲା । ଫଳରେ ଆଜି ପ୍ରଶାସନ ପକ୍ଷରୁ ଉଚ୍ଛେଦ ପାଇଁ ପୁଲିସ ଫୋର୍ସ ସହ ଯାଇ ପହଂଚିବା ବେଳେ ସ୍ଥାନୀୟ ଦକ୍ଷିଣକାଳୀ ବାସିନ୍ଦା ଏହାକୁ ତୀଵ୍ର ବିରୋଧ କରିଥିଲେ । ଫଳରେ ଉତ୍ତ୍ୱେଜନା ପ୍ରକାଶ ପାଇଥିଲା । ଫଳରେ ପ୍ରଶାସନ ପକ୍ଷରୁ ଏହି ଉଚ୍ଛେଦ କାର୍ଯ୍ୟକୁ ସ୍ଥଗିତ ରଖି ବାରୁ ଉତ୍ତ୍ୱେଜନା ଥମିଥିଲା । ତେବେ ଏହାର ସମାଧାନ ପାଇଁ ସାତ ଦିନ ମହଲତ ନେଇଥିବା ସୂଚନା ମିଳିଛି ।
ଢେଙ୍କାନାଳରୁ ନାୟକ ଅକ୍ଷୟ ରାଜହସ୍ତୀ ଙ୍କ ରିପୋର୍ଟ
